Янгиликлар
21
Nızamshılıqtaǵı jańalıqlar
"Ózbekstan Respublikası Qurallı Kúshleri qatarında múddetli áskeriy xızmetti ótewdiń abırayı hám tartımlılıǵın arttırıw boyınsha gezektegi ilajlar haqqında"ǵı 2026-jıl 07-aprel kúni PQ-134-sanlı Prezident qararı qabıllandı.
Qararǵa bola, Ózbekstan Respublikası Qurallı Kúshleri qatarına múddetli áskeriy xızmetti ótew ushın shaqırılǵan puqaralar ushın tómendegi jeńillikler hám kepillikler beriledi:
2026/2027 oqıw jılınan baslap:
- múddetli áskeriy xızmetti ótep atırǵan áskerlerge xızmetti ótew dáwirinde joqarı bilimlendiriw shólkemleri bakalavriatınıń aralıqtan bilimlendiriw túrine abiturient sıpatında dizimnen ótiw, kiriw imtixanlarında qatnasıw hám nátiyjesine bola oqıwǵa kiriwge ruxsat beriledi. Onda joqarı bilimlendiriw shólkemlerine tólemli-kontrakt tiykarında oqıwǵa qabıl etilgen áskerlerge nızamshılıqta belgilengen tártipte jeńilletilgen tálim krediti ajıratıladı;
- múddetli áskeriy xızmetti ótew dáwirinde joqarı bilimlendiriw shólkemlerine oqıwǵa qabıl etilgen áskerler joqarı bilimlendiriw shólkemleriniń áskeriy tayarlıq oqıw oraylarında oqıǵan studentlerge teńlestiriledi hám oqıwdı tamamlaǵannan soń olarǵa belgilengen tártipte "rezervtegi leytenant" áskeriy ataǵı beriledi;
- múddetli áskeriy xızmetti úlgili ótegen, respublikalıq hám xalıqaralıq sport jarıslarında yamasa pán olimpiadalarında 1-orındı qolǵa kirgizgen áskerler arasınan 100 adam tańlaw tiykarında saylap alınıp, joqarı áskeriy hám joqarı áskeriylestirilgen bilimlendiriw mákemelerine dáslepki tańlaw hám arnawlı kásiplik tańlaw nátiyjelerine bola test sınaqlarısız yamasa jeke tártiptegi juwmaqlawshı sáwbetlesiwsiz belgilengen jıllıq kvota sheńberinde tikkeley oqıwǵa qabıl etiledi;
- múddetli áskeriy xızmetti ótew dáwirinde Olimpiada hám Aziya oyınları baǵdarlamalarına kirgizilgen sport túrleri boyınsha respublikalıq hám xalıqaralıq jarıslarda 1-orındı qolǵa kirgizgen áskerler Ózbekstan mámleketlik denetárbiya hám sport universitetine (sáykes baǵdarlarǵa) kiriw sınaqlarısız mámleketlik grant tiykarında oqıwǵa qabıl etiledi.
Shımbay rayonı ádillik bólimi
bas másláhátshisi A.Dastenov