Янгиликлар
20
Shańaraq jámiyettiń tiykarǵı buwını
Mámleketimizdi sociallıq-ekonomikalıq rawajlandırıw maqsetinde salamat hám ruwxıy jetilisken áwladtı tárbiyalaw, milliy hám ulıwma insanıylıq qadriyatlar tiykarında jámiyet dúziw ámelge asırılıp atırǵan reformalardıń tiykarǵı jónelislerinen biri bolıp esaplanadı.
Ózbekstan Respublikası Konstituciyasında «Shańaraq jámiyettiń tiykarǵı buwını hámde jámiyet hám mámleket qorǵawında bolıw huqıqına iye»-dep kórsetilgen. Mámleketimizde ǵárezsizliktiń dáslepki jıllarınan baslap shańaraq tiykarların bekkemlew, onı ekonomikalıq, social-ruwxıy jaqtan qollap quwatlaw ushın bir qatar nızamlar, qararlar hám Prezident Pármanları qabıl etilip, oǵan bolǵan múnasiybet mámleket dárejesine kóterildi.
Nızam puqaralardıń jeke hám mulkiy huqıqların qorǵaw maqsetinde, sonday aq mámleket hám jámiyet máplerin esapqa alıp, tuwılıw, ólim, neke dúziw, nekeden ajırasıw sıyaqlı áhmiyetli subektiv huqıq hám májburiyatlardıń júzege keliwi, ógeriwi hám toqtatılıwına sebep bolatuǵın puqaralar ómirindegi waqıya hám faktlerdiń wakillikli mámleketlik organlarında dizimge alıwdı belgileydi. Puqaralardıń konstituciyalıq huqıqların ámelge asırıwda, analıq hám balalıqtı qorǵawda PHAJ organları tikkeley qatnasadı.
Puqaralıq halatı aktleri- puqaralar turmısındaǵı tuwılıw, ólim, neke dúziw hám nekeden ajırasıw faktleriniń wákillili organlar tárepinen tastıyıqlanıwı bolıp esaplanadı. PHAJ organlarına júkletilgen wazıypalardı orınlaw nızamshılıqqa qatań ámel etiliwin talap etedi.
Búgin shańaraqta er-hayaldıń huqıq hám májburiyatları júzesinen payda bolıp atırǵan tartıslar, turmıstıń buzılıp ketiwi hám oǵan baylanıslı mashqalalar, ajrasıwlar, balalar tárbiyası, xojalıqtıń materiallıq-ekonomikalıq támiynatı máseleleri mashqalalrdıń tiykarın quraydı.
Sonı da atap ótiw kerek, shańaraq nızamshılıǵı normalarında PHAJ organlari sistemasın shólkemlestiriwde, onıń iskerligin júritiwde tuwrı hám anıq tártipke salıw úlken áhmiyetke iye. PHAJ organları óz iskerliginde Shańaraq kodeksine hám oǵan muwapıq ráwishte qabıl etilgen tarawǵa baylanıslı basqa normativ hújjetlerge tiykarlanıp is júritedi.
Nókis qalası PHAJ bólimi inspektorı D.Urdabaeva