Янгиликлар
21
NEKEDEN ALDÍN QANDAY MEDICINALÍQ KÓRIKTEN ÓTIWI TIYIS.
Shańaraq-insan turmısının` tiykarǵı bólegi. Shańaraq bekkem bolıwı ushın, kelin-ku`yew nekeden aldın medicinalıq kórikten ótiwi, usı shańaraqtıń bekkemligi, tuwılatuǵın perzentlerdiń salamatlıǵın támiyinleydi. Nekeden aldıńǵı medicinalıq kóriktiń áhmiyeti, roli, nátiyjesi haqqında Respublika xalıqın reproduktiv salamatlıǵı orayı qanigeleri tárepinen bir neshe ilmiy maǵlıwmatlar berilgen.
Ózbekstan Respublikası Ministrler Kabinetiniń 2003-jıl 25-avgustaǵı “Nekeleniwshi shaxslardıń medicinalıq kórikten ótkiziw haqqında rejeni tastıyıqlaw haqqında”ǵı qararına tiykar, kelin-ku`yew biypul medicinalıq kórikten ótkeriledi.
Nekeleniwshiler PHAJ bólimine, yamasa my.gov.uz saytı arqalı nekeden ótiw arzasın berip, PHAJ bólimi tárepinen medicinalıq kórikten ótiw ushın qaǵaz yamasa elektron jollama beriledi. Jollama tiykarinda puqaranıń ózine qolaylı medicina orayınan medicinalıq kórikten ótedi. 2021-jıl 1-iyunınan baslap puqaralar waqtınsha, turaqlı jasaw jerinen biyǵárez ózine qolaylı aymaqtaǵı medicina oraylarınan ótiwi múmkin. Bul jerde qaysı kórikten ótiliwi tiyis degen soraw payda bolıwı múmkin. Qararǵa muwapıq
5 túrdegi medicinalıq kórikten ótkeriledi.
1.Ruwhıy kesseligi.
2.Narkologiya kesseligi.
3. Teri keselligi
4.AIJS keselligi
5. Tuberkulez kesseligi
Medicinalıq kóriktiń nátiyjeleri menen nekeden ótiw kúni belgilengen múddette PHAJ bólimine múrááját etip, PHAJ bólimi tárepinen nekesi dizimge alınadı.
Nókis qalası PHAJ bólimi baslıǵı S.Pirnazarova.