Янгиликлар
19
Ózbekstan Respublikası Ministrler Kabinetiniń 2021-jıl 28-apreldegi “Materiallıq járdemge hám kómekke mútáj shańaraqlardı, hayal-qızlar hám jaslardı sociallıq qollap quwatlaw boyınsha qosımsha is-ilájları haqqında”ǵı 250-san qararınıń mazmun mánisi
Sońǵı jıllarda mámleketimizde xalıqtı, sonday-aq, hayal-qızlar hám jaslardı sociallıq qorǵawǵa mútáj, turmıs sharayatı awır, jumıssız hám kásip-ónerge iye bolmaǵan, huqıqıy hám ruwxıy-psixologiyalıq qollap-quwatlawǵa zárúrligi bolǵan puqaralarǵa mámleket tárepinen mánzilli qollap -quwatlaw boyınsha ulıwma jańasha sistema engizildi.
Ózbekstan Respublikası Ministrler Kabinetiniń 2021-jıl 28-apreldegi “Materiallıq járdemge hám kómekke mútáj shańaraqlardı, hayal-qızlar hám jaslardı sociallıq qollap quwatlaw boyınsha qosımsha is-ilájları haqqında”ǵı 250-san qararı qabıl etildi.
Usı qararǵa tiykar bul jóneliste mánzilli, hár bir shaxs penen individual hám sistemalı túrde úzliksiz jumıs alıp barıwdı shólkemlestiriw maqsetinde materiallıq járdem hám kómekke mútáj shańaraqlar boyınsha ulıwma jańa — «Temir dápter»,sociallıq, ekonomikalıq, huqıqıy, psixologialıq qollap-quwatlawǵa, bilim hám kásip-óner úyreniwge mútajligi hám qızıǵıwshılıǵı bolǵan hayal-qızlar hám jaslar boyınsha tiyislishe «Hayallar dápteri» hám «Jaslar dápteri» sistemaları turmısqa qollanıw engizildi.
«Temir dápter» — social jaǵdayı hám turmıs sharayatı awır hám de ayrıqsha qadaǵalawǵa alınǵan shańaraqlardı anıqlaw, mashqaların úyreniw, saplastırıw hám qadaǵalawın shólkemlestiriw boyınsha maǵlıwmatlar bazası esaplanadı.
«Temir dápter»ge tómendegi taypadaǵı shańaraqlar kiritiledi:
Ózbekstan Respublikası Ministrler Kabinetiniń «Xalıqtı social qorǵaw sistemasın jáne de jetilistiriw hám de tarawǵa zamanagóy informacion-kommunikaciya texnologiyaların keń engiziw ilajları haqqında» ǵı 2021-jıl 5-martdaǵı 122-san qararı talapları tiykarında kem támiyinlengen shańaraq, dep tabılǵan shańaraqlar ;
sociallıq járdemge mútáj 1 hám 2 topar mayıplıǵı bolǵan aǵzaları bolǵan shańaraqlar ;
kem támiyinlengen jeke jasawshılar hám kekseler ;
baǵıwshısın joǵaltqan mútajligi bar shańaraqlar ;
kóp (4 hám odan artıq ) perzentli materiallıq járdemge mútáj shańaraqlar ;
miynetke jaramlı jumıssız aǵzaları bar bolǵan shańaraqlar ;
medicinalıq járdemge mútajligi bar shańaraqlar
turaq jayǵa iye bolmaǵan mútajligi bar shańaraqlar kirgiziledi.
«Temir dápter»ge kiritilgen shańaraqlardıń sociallıq qollap-quwatlaw maqsetinde
1 «Temir dápter»ge kiritilgen shańaraq aǵzaların jumısqa jaylastırıw
2 «Temir dápter»ge kiritilgen shańaraqlarǵa tamarqalarınan dáramat dáregi retinde paydalanıw ushın kómeklesiw
3 «Temir dápter»ge kiritilgen shańaraqlardı isbilermenlikke tartıw
4 «Temir dápter»ge kiritilgen shańaraqlarǵa materiallıq járdem kórsetiw
5 «Temir dápter»ge kiritilgen shańaraqlarǵa medicinalıq xızmet kórsetiw boyınsha bir qansha jeńilikler berilgen.
Sociallıq jaǵdayı hám turmıs sharayatı awır shańaraqlar tómendegi jaǵdaylarda «Temir dápter»den shıǵarıladı:
bántdligi támiyinlengen yamasa turaqlı dáramat dáregine iye bolǵanda ;
bir mártelik materiallıq járdem kórsetiw arqalı mashqalası sheshilgende shańaraq aǵzasınıń razılıǵı menen;
qániygeli medicinalıq xızmet kórsetilgende;
tolıq mámleket támiynatına alınǵanda («Mehribanlıq», «Saqawat» hám basqa qánigelestirilgen mákemelerge ótkerilgende);
anıqlanǵan basqa máseleleri nızamlı sheshilgende;
jalǵız jasaytuǵın mútajligi bar bolǵan puqara azatlıqtan ayrıw jazası qollanılǵanda yamasa ol qaza tapqanda;
shańaraq aǵzasınıń arzasına tiykar ;
«Temir dápter»ge nızamǵa qarsı kirgiziw jaǵdayı anıqlanǵanda ;
basqa mámleketliklerge turaqlı jasaw ushın shıǵıp ketkende.
«Temir dápter»ge eki hám odan artıq máselelerin sheshiw ushın kiritilgen shańaraqlardıń barlıq máseleleri tolıq sheshimin tapqanda temir dápterden shıǵarıw ushın tiykar boladı.
Qońırat rayonı ádillik bólimi
yuridikalık xızmet kórsetiw orayı
bas yuriskonsultı O.T.Matyakupov