Янгиликлар
10
Nızamshılıqtaǵı jańalıqlar
Nızamshılıqtaǵı jańalıqlar
Studentler ushın mámleketlik-jeke sheriklik tiykarında turaq jaylar qurıladı
“Respublika joqarı bilimlendiriw mákemelerinde studentlerdi turaq jay menen qamtıp alıw dárejesin asırıw ilajları haqqında”ǵı Húkimet qararı (563-san, 09.09.2021-j.) qabıl etildi.
Qararǵa tiykar, studentler turaq jayları mámleketlik-jeke sheriklik tiykarında tómendegi formalarda qurıladı:
- joybarlardı isbilermenniń óz qarjısınan kelisiletuǵın shártler tiykarında finanslastırıw;
- joybarlardı isbilermen hám Mámleketlik byudjeti qarjıları esabınan aralas finanslastırıw (keminde 200 orınlı turaq jaydı qurıw ushın);
- joybarlardı isbilermenniń tolıq óz qarjıları esabınan finanslastırıw (keminde 400 orınlı turaq jaydı qurıw shárti menen).
Turaq jaylardı qurıw ushın wálayat hákimleri tárepinen JOOna, 0,5 gektarǵa shekem jer oǵan jaqın jerlerden ajıratıladı.
Isbilermenge tiyisli jer yamasa imaratta keminde 50 orınlı turaq jay shólkemlestiriw sisteması engiziledi.
Bunda, tólem JOO menen kelisiledi hámde ol jerde jasaǵan hár bir student ushın isbilermenge bir oqıw jılı ushın Tashkent qalasında BEMnıń 10 esesi, basqa aymaqlarda bolsa 5 esesi muǵdarında subsidiya ajıratıladı.
JOOlarınıń asxana hám bufetlerin alǵan isbilermenlerge mámleketlik kóshpes múlkinen paydalanǵanı ushın ijara tóleminiń eń kem stavkaları qollanıladı.
Bunda, isbilermenler ushın sapalı azıq-awqat ónimleri hám taǵamlar tayarlaw hámde olardı arzan bahalarda satıw májbúriyatın aladı.
2021-jıl 1-sentyabrden studentler menen islew boyınsha “topar muǵallimi” institutı biykar etildi hámde ornına 1–3-kurs studentleri ushın mashqalalardı saplastırıwda jaqınnan járdem kórsetiwshi t'yutorlardı biriktiriw ámeliyatı jolǵa qoyıldı.
Hár 120–150 studentke 1 shtat birligi esabında “T'yutor” lawazımı kirgiziledi.
Qararǵa tiykar, respublika boyınsha jámi 228 studentler turaq jayları (400 orınlı) qurıladı. Sonnan aymaqlarda 2022-jılda 47, 2023-jılda 67, 2024-jılda 62, 2025-jılda 52 studentler turaq jaylarınıń qurılısı belgilengen.