Янгиликлар
04
Joqarı, orta arnawlı hám professional bilimlendiriw mákemeleri arasında bilimlendiriw procesi jáne tarmaq shólkemleri menen óndirislik ámeliyat izbe-izligin kúsheytiw ilajları haqqındaǵı Prezident qararı qabıl etildi
Qarar menen:
2021-2022-oqıw jılınan baslap:
Joqarı bilimlendiriw mákemeleri janında 24 texnikum shólkemlestirildi.
Bilimlendiriw mákemelerinde shólkemlestirilip atırǵan texnikumlarda házirgi kúnde oqıp atırǵan oqıwshılar tiyisli kásipler hám qánigelikler boyınsha oqıw procesin ámeldegi baǵdarlamalarǵa muwapıq usı texnikumlarda juwmaqlaytuǵını belgilendi.
Túrles joqarı bilimlendiriw mákemeleri jáne tiykarǵı baǵdarları boyınsha tarmaq shólkemlerine 213 texnikum Qarardıń 2-qosımshasına muwapıq biriktirildi.
Texnikumlar bir joqarı bilimlendiriw mákemesi sistemasınan basqa joqarı bilimlendiriw mákemesiniń sistemasına Qarardıń 3-qosımshasına muwapıq ótkerildi;
2021-2022-oqıw jılınan baslap texnikumlar hám akademiyalıq liceylerde qánigelik talapları, oqıw reje hám baǵdarlamalar, oqıw-normativlik hújjetler tayanısh joqarı bilimlendiriw mákemeleri tárepinen tájiriybeli professor-oqıtıwshılar hám tiyisli qánigelerdi tartqan halda islep shıǵıladı jáne Joqarı hám orta arnawlı bilimlendiriw ministrligi tárepinen tastıyıqlanadı;
joqarı bilimlendiriw mákemeleri ózlerine biriktirilgen texnikumlardı oqıw-metodikalıq hújjetler (oqıtıw materialları toplamları, didaktikalıq materiallar, praktikumlar, texnologiyalıq kartalar, elektron resurslar, sırt el oqıw, ilimiy hám kórkem ádebiyatlar, dáwirlik basılımlar, sózlikler, enciklopediyalar, xabarnamalar hám taǵı basqalar) menen támiyinlenedi;
joqarı bilimlendiriw mákemeleri ózlerine biriktirilgen texnikumlarda bilimlendiriwdiń sapasın támiyinlewge qaratılǵan kompleksli ilajlardı ámelge asıradı jáne oǵan texnikum direktorı hám joqarı bilimlendiriw mákemesiniń rektorı (direktorı) jeke juwapker bolıp esaplanadı;
joqarı bilimlendiriw mákemeleri ózine biriktirilgen texnikumlardıń pedagog kadrları ushın óziniń byudjetinen tısqarı qarjıları esabınan sırt el professorları hám qánigelerin tartqan halda qısqa múddetli oqıw-seminarlardı shólkemlestiredi;
texnikum direktorı bir waqıttıń ózinde tiyisli joqarı bilimlendiriw mákemeleri arasında birge islesiw baylanısların ornatıw arqalı texnikumlarda birgeliktegi baǵdarlamalar tiykarında orta buwın qánigelerdi tayarlawdı shólkemlestiredi;
texnikumlarda xalıqaralıq standartlar (sonıń ishinde, Worldskills) tiykarında oqıw-ustaxanaların shólkemlestiriw hám oqıwshılardı usı standartlarǵa muwapıq tayarlaw jáne keleshekte jumısshı kásipler jarıslarında olardıń qatnasıwın támiyinlew tiyisli joqarı bilimlendiriw mákemeleriniń tikkeley járdemi tiykarında ámelge asırıladı.