Янгиликлар
04
Nızamshılıqtaǵı jańalıqlar
Nızamshılıqtaǵı jańalıqlar
Erjetpegenlerge sociallıq-huqıqıy járdem kórsetiw jetilistiriledi
“Erjetpegenlerge sociallıq-huqıqıy járdem kórsetiwdi janede jetilistiriw ilajları haqqında”ǵı Húkimet qararı (490-san, 03.08.2021-j.) qabıl etildi.
Qarar menen Erjetpegenlerge sociallıq-huqıqıy járdem kórsetiw orayları haqqındaǵı reje tastıyıqlandı.
Oraylar, atap aytkanda, qarawsız balalardıń shaxsın anıqlap, olardıń oqıwı hám minez-qulqı, shańaraqtaǵı ortalıqtı hámde qarawsız qalıwına sebep bolǵan faktorlardı úyrenedi.
2021-jıl 1-sentyabrden er jetpegenler máseleleri boyınsha inspektor-psixologlar tárepinen – bilimlendiriw mákemelerinde, profilaktika inspektorları tárepinen – xızmet aymaǵında, máhálle puqaralar jıyınları baslıqları tarepinen – shańaraqlarda qarawsız balalar anıqlanadı.
Erjetpegen shaxstıń qarawsız qalǵanlıǵı mámleketlik uyımlar, mámleketlik emes kommerciyalıq emes shólkemler hám puqaralar tarepinen anıqlanǵan jaǵdaylarda olar bul haqqında profilaktika inspektorına xabar beredi.
Profilaktika inspektorı bala qarawsız qalǵanlıǵı haqqında juwmaqqa kelse, tiyisli tártipte balanı Orayǵa qabıl etiw haqqında jollama tayarlanadı.
Soǵan kóre, Oray xızmetkerleri 5 saat ishinde balanı qabıl etip aladı hám Orayǵa jaylastıradı.
Oray tárepinen 48 saat ishinde qarawsız balanıń shaxsı anıqlanadı. Balanıń sociallıq-huqıqıy jaǵdayına baha beriw nátiyjesine kóre unamlı juwmaqqa kelinse, bala ata-anası (ata-ana ornın basıwshı shaxslar)na tapsırıladı.
Oray jollamasına kóre, bala tiyisli qánigelestirigen bilimlendiriw mákemesine sınaq hám imtaxanlarsız oqıwǵa qabıl etiledi. Oqıw qárejetleri respublika byudjeti esabınan ámelge asırıladı.
Professional yamasa JOOna oqıwǵa kiriw qálewi bolmaǵan yamasa oqıwǵa kire almaǵan qarawsız er jetpegen bala 1 ay ishinde aymaqlıq miynet uyımları tarepinen jumısqa jaylastırıladı.
2021-jıl 1-noyabrge shekem “E-voyaga yetmaganlar” birden-bir málimleme sisteması islep shıǵıladı.