Янгиликлар
30
Respublikanıń barlıq rayon (qala)larında yuridikalıq xızmet kórsetiw orayları shólkemlestiriledi
Nızamshılıqtaǵı jańalıqlar
Respublikanıń barlıq rayon (qala)larında yuridikalıq xızmet kórsetiw orayları shólkemlestiriledi
“Mámleketlik uyımlar hám shólkemlerine yuridikalıq xızmet kórsetiw iskerligin jánede jetilistiriw ilajları haqqında”ǵı Prezident qararı qabıl etildi
Qararǵa tiykar, 2021-jıl 1-oktyabr'den aymaqlıq ádillik basqarmaları janında yuridikalıq xızmet kórsetiw orayları (Oraylar) respublikanıń barlıq rayon (qala)larında shólkemlestiriledi.
Soǵan tiykar, mámleketlik byudjetinen qarjılandırılatuǵın ayırım mámleketlik shólkemleriniń rayon (qala) bólimlerinde 2021-jıl 1-oktyabr'den jámi 1 182 yuridikalıq xızmetler shtat birlikleri qısqartırıladı.
Bosap atırǵan shtat birlikleri esabınan Oraylar jumısların shólkemlestiriw ushın 1 056 shtat birlikleri ajıratıladı.
2021-jıl 1-oktyabr'den mámleketlik shólkemlerine yuridikalıq xızmet kórsetiw menen baylanıslı barlıq maǵlıwmat hám processlerdi tolıq elektron túrde jıynaw, qayta islew, analizlew hám ámelge asırıw imkaniyatın beriwshi “E-huquqshunos” elektron sisteması basqıshpa-basqısh engiziledi.
Oraylar tárepinen mámleketlik shólkemlerge yuridikalıq xızmetler usı elektron sistema arqalı ámelge asırıladı.
Oraylar Qaraqalpaqstan Respublikası Ádillik ministrligi, wálayatlar hám Tashkent qala ádillik basqarmaları janında yuridikalıq shaxs statusına iye bolmaǵan quramlıq bólim sıpatında shólkemlestiriledi hám olarǵa boysınadı.
Oraylar xızmetkerlerine sud processinde yuridikalıq xızmet kórsetiletuǵın shólkemlerdiń wákili sıpatında qatnasıw huqıqı beriledi.
Oraylar xızmetkeri sıpatında keminde 3 jıl miynet stajına iye bolǵan shaxs:
➖ licenziya alıw ushın advokat statusına iye bolıwǵa talapker shaxs sıpatında advokatlıq dúzilmesinde stajirovkadan ótpesten mamanlıq imtixanında qatnasıw;
➖ notarial keńsede 6 ay múddet stajirovka ótep mamanlıq imtixanın tapsırıw huqıqına iye boladı.
Oraylardıń nızamlı iskerligine qandayda bir tárizde aralasıw hám tuwrıdan-tuwrı yamasa tuwrıdan-tuwrı bolmaǵan usılda tásir ótkeriw qatań qadaǵan etiledi.
Qararǵa tiykar, Oraylar tárepinen yuridikalıq xızmet kórsetiliwi belgilengen shólkemlerdiń Oraylar menen kelisilmegen halda yuridikalıq tústegi hújjetler qabıl etiwine jol qoyılmaydı.
Sonday-aq, Oraylar basqa yuridikalıq shaxslarǵa pullı tiykarda yuridikalıq xızmetler kórsetiwi múmkin.