Янгиликлар
29
Nızamshılıqtaǵı jańalıqlar
Nızamshılıqtaǵı jańalıqlar
Qıynawǵa salıwdan jábirlengen shaxslarǵa jetkerilgen zıyandı kompensaciya qılıw tártibi islep shıǵıladı
“Qıynawǵa salıw jaǵdayların anıqlaw hám olardıń aldın alıw sistemasın jetilistiriwge baylanıslı qosımsha ilajlar haqqında”ǵı Prezident qararı (PQ–5163-san, 26.06.2021-j.) qabıl etildi.
Qararǵa muwapıq, Oliy Majlistiń Insan huqıqları boyınsha wákili (ombudsman) janındaǵı ekspert toparı negizinde Ombudsman janındaǵı Qıynaw jaǵdayların anıqlaw hám olardıń aldın alıw boyınsha jámiyetshilik toparı shólkemlestirildi.
Gauptvaxta, arnawlı qabıllawxana, waqtınsha saqlaw qamaqxanası, tergew qamaqxanası, jazanı orınlaw mákemesi, intizamiy bólim, májbúriy emlew mákemelerinde (háreketleniw erkinligi sheklengen shaxslar saqlanatuǵın orınlar) qıynawǵa salıwdıń aldın alıw boyınsha monitoring barıwların turaqlı ámelge asırıw jámiyetshilik toparlarınıń tiykarǵı wazıypalarınan biri esaplanadı.
2021-jıl 1-oktyabrden operativ-izlew, tergewge shekem tekseriw, sorastırıw, dáslepki tergewdi ámelge asırıwshı uyımlar hám jazanı orınlaw mákemeleri xızmetkerleri ushın qıynawǵa salıwǵa qarsı gúresiw boyınsha oqıw kursları shólkemlestiriledi.