Янгиликлар
29
Saylaw aldı úgit-násiyatın júrgiziw tártibi
Saylaw sózlik
Saylaw aldı úgit-násiyatın júrgiziw
Saylaw aldı úgit-násiyatı — saylaw kampaniyası dáwirinde ámelge asırılatuǵın hám saylawshılardı talaban yaki siyasiy partiyanı jaqlap dawıs beriwge shaqırıwǵa qaratılǵan jumıs bolıp esaplanadı.
Saylaw aldı úgit-násiyatı (bunnan bılay úgit-násiyat dep júrgiziledi) talabanlardı dizimge alıw ushın belgilengen aqırǵı kúnniń ertesine baslanadı (2021-jıl 20-sentyabr' kúni). Saylaw kúni hám dawıs beriwge bir kún qalǵanda úgit-násiyatqa jol qoyılmaydı (2021-jıl 23-24-oktyabr' kúnleri).
Úgit-násiyattı saylawshılarǵa biypul yaki imtiyazlı shártlerde tovarlar beriw, xızmetler kórsetiw (málimleme xızmetlerinen basqa), sonday-aq, pul qarjıların tólew menen qosıp júrgiziw qadaǵan etiledi.
Nadurıs málimlemeni, sonday-aq, talabanlardıń abıroyına hám qádir-qımbatına zıyan keltiretuǵın maǵlıwmatlardı tarqatıw qadaǵan etiledi.
Tómendegilerdiń saylawaldı úgit-násiyatın alıp barıwı qadaǵan etiledi:
mámleketlik hákimiyat hám basqarıw organları, aymaqlıq mámleket hákimiyatı organları baslıklarınıń;
Ózbekstan Respublikası qurallı kushleri áskeriy xızmetkerleriniń, Ózbekstan Respublikası Mámleketlik qáwipsizlik xızmeti, basqa áskeriylestirilgen bólimler, huqıqtı qorǵawshı organlar xızmetkerleriniń, sud'yalardıń;
Saylaw komissiyaları aǵzalarınıń;
Diniy shólkemler professional xızmetkerleriniń.
Mámleket hákimiyatı hám basqarıw organlarınıń ámeldar shaxslarına óz lawazım hám xızmet abırıyınan saylawaldı úgit-násiyatı waqtında hárqanday siyasiy partiyanıń yaki saylawshınıń paydasına yamasa oǵan qarsı paydalanıwı qadaǵan etiledi.