Янгиликлар
25
Xızmetkerlerge 14.400.000 sum muǵdarında xoshametlew pulları tolıǵı menen tólep berildi
Xızmetkerlerge 14.400.000 sum muǵdarında xoshametlew pulları tolıǵı menen tólep berildi
Nókis rayon ádillik bólimi xızmetkerleri tárepinen rayondaǵı Xalıq bilimlendiriw bóliminde úgit-násiyat ilajı shólkemlestirilip, ilajdan keyin xızmetkerler tárepinen búgingi kúnde Prezidentimizdiń PQ-4884-sanlı qararına tiykar xoshametlew pulları tólenbey atırǵanlıǵınan narazılıǵın bildirdi hám bul másele bólim tárepinen úyrenip shıǵıw ushın qabıl etildi.
Úyreniw dawamında bólimniń bárshe xızmetkerlerine xoshametlew pulları tólenbegenligi anıqlandı.
Ózbekstan Respublikası Prezidentiniń 2020-jıl 6-noyabrdaǵı “Tálim-tárbiya sistemasın jánede jetilistiriwge baylanıslı qosımsha is-ilájar haqqında”ǵı PQ-4884-sanlı qararınıń 11-bántinde 2021-jıl 1-yanvardan rayon (qala) xalıq bilimlendiriw bólimleri janında yuridikalıq shaxs statusına iye bolmaǵan Xalıq bilimlendiriw xızmetkerlerini xoshametlew qorları shólkemlestirilgen.
Bul qor qarjıları rayon (qala) xalıq bilimlendiriw bólimi xızmetkerleri, sonıń ishinde metodistler hámde ulıwma bilim beriw mákemeleri direktorların materiallıq qollap-quwatlaw ilajlarına baǵdarlanadı.
Usıǵan tiykar, Prezident qararınıń orınlanıwın támiynlew maqsetinde, Ózbekstan Respublikası Xalıq bilimlendiriw ministrliginiń 2021-jıl 26-fevral kúni 49-sanlı buyrıǵı qabıl etilgen.
Buyrıq penen, rayon (qala) xalıq bilimlendiriw bólimleri janında yuridikalıq shaxs statusına iye bolmaǵan Xalıq bilimlendiriw xızmetkerlerin xoshametlew qorı qarjıların shólkemlestiriw hám olardan paydalanıw haqqındaǵı Reje tastıyıqlandı.
Rejege tiykar, rayon (qala) xalıq bilimlendiriw bólimleri hám ulıwma bilimlendiriw mákemeleri direktorların xoshametlew ushın jumıslardı shólkemlestiriw hámde usı jıldıń yanvar', fevral' ayları ushın xoshametlew pulların tólemlerdi támiynleniwin qadaǵalawǵa alıp, ámelge asırılıwı belgilengen.
Joqarıdaǵılarǵa tiykar, bólim tárepinen Nókis rayonı Xalıq bilimlendiriw bólimine 11.05.2021-jıl bólim xızmetkerleriniń, sonıń menen birge metodistleriniń xoshametlew pulların tólep beriw boyınsha usınıs kirgizildi.
Usınısqa tiykar, bárshe xızmetkerlerdiń ústeme pulları yaǵnıy, 14.400.000 sum pulları tolıǵı menen tólep berildi.
M.Seytimbetov,
Nókis rayonı
ádillik bólimi baslıǵı