Янгиликлар

2021_jıl_1_iyulden

---

Nızamshılıqqa kóre, 2021-jıl 1-iyul'den:

Belgilengen jasqa baylanıslı eń kem pensiya muǵdarında hám onnan kem pensiya alıwshı shaxslarǵa pensiyanı esaplaw bazalıq muǵdarınıń 20 procenti muǵdarında qosımsha tólem engiziledi.
Bunda, is stajı tolıq bolmaǵan waqtındaǵı pensiyalardıń eń kem muǵdarı qosımsha tólewdi esapqa algan halda 256 mıń 675 sumnan 400 mıń sumǵa asırıladı.
- belgilengen jasqa baylanıslı eń kem pensiya muǵdarınan 565 mıń sumǵa shekem pensiya alıwshılardıń jasqa baylanıslı mayıplıǵı boyınsha pensiyaları muǵdarı 565 mın sumǵa jetkeriledi;
- zárúr is  stajına iye bolmaǵan kekse jastaǵı hám miynetke jaramsız puqaralarǵa beriletuǵın napaqa muǵdarı 315 mıń 030 sumnan 400 mıń sumǵa jetkeriledi;
- baǵıwshısın joǵaltqanlıq:
-pensiyası alıwshılardıń hár bir miynetke jaramsız shańaraq aǵzası ushın qosımsha tólem engiziledi;
- pensiya alıwshılardıń bir miynetke jaramsız shańaraq aǵzası ushın pensiyanıń eń kem muǵdarı 256 mıń 675 sumnan 400 mıń sumǵa asırıladı hám keyingi hár bir miynetke jaramsız shańaraq aǵzası ushın ámeldegi tártipke muwapıq pensiya tólenedi;
- napaqa alıwshı shańaraqlardın barlıq aǵzaların qamtıp alıw maqsetinde olardıń bir miynetke jaramsız shańaraq aǵzası ushın napaqa muǵdarı 400 mıń sum ham keyingi hár bir miynetke jaramsız shańaraq aǵzası ushın 150 mıń sumnan qosıladı;
- balalıqtan mayıplıǵı bolǵan shaxslarǵa beriletuǵın napaqa ayına 513 mıń 350 sumnan 565 mıń sumǵa asırıladı.

---