Янгиликлар
21
Nızamshılıqtaǵı jańalıqlar
Nızamshılıqtaǵı jańalıqlar
Puqaralar jıyını haqqındaǵı úlgi reje tastıyıqlandı
“Puqaralardıń ózin-ózi basqarıw uyımları jumısların jánede jetilistiriw boyınsha qosımsha ilajlar haqqında”ǵı Húkimet qararı (380-san, 18.06.2021-j.) qabıl etildi.
Qarar menen Puqaralar jıyını haqqındaǵı úlgi reje tastıyıqlandı.
Rejege kóre, barlıq puqaralar jıyınları geografiyalıq jaylasıwı hám xalıq sanı boyınsha toparlarǵa ajıratıladı.
Puqaralar jıyını mámleketlik hákimiyat uyımları sistemasına kirmeydi hám óz wákilliklerin tiyisli aymaq sheńberinde ámelge asıradı.
Puqaralar jıyını keńesi, puqaralar jıyını jumıslarınıń tiykarǵı baǵdarları boyınsha komissiyalar hám qadaǵalaw-tekseriw komissiyaları puqaralar jıyınları uyımları esaplanadı.
Puqaralardıń ózin-ózi basqarıw uyımları jámiyetshilik qadaǵalaw sub'ekti esaplanadı.
Puqaralar jıyını májilisinde 18 jasqa tolǵan hám puqaralar jıyını aymaǵında turaqlı, waqtınsha yamasa tiykarınan jasap atırǵan shaxslar qatnasadı.
Puqaralar jıyınlarında onıń tiykarǵı baǵdarları boyınsha tómendegi komissiyalar dúziledi:
➖ shańaraqlıq qádiriyatlardı bekkemlew komissiyası;
➖ hayal-qızlar menen islew boyınsha komissiya;
➖ sociallıq qollap-quwatlaw hám jámiyetshilik qadaǵalaw boyınsha komissiya;
➖ ekologiya hám qorshaǵan ortalıqtı qorǵaw, abadanlastırıw hám kóklemzarlastırıw boyınsha komissiya.
Sonday-aq, puqaralar jıyını janında “Kekseler másláháti” toparı, “Ata-analar universiteti”, “Hayallar másláhát keńesi” jámiyetshilik dúzilmeleri shólkemlestiriledi.