Янгиликлар
21
Qabıllaw 2021
Qabıllaw - 2021
Abiturientlerdi onlayn dizimge alıw baslandı
20-iyun kúninen 2021/2022-oqıw jılı ushın JOOnıń bakalavriat tálim baǵdarlarına abiturientlerdi onlayn dizimge alıw baslandı.
Bunda abiturientler:
- telefon nomerin avtorizaciyadan ótkerip, pasport maǵlıwmatları, turaqlı jasaw mánzili hám tamamlaǵan bilimlendiriw mákemesi boyınsha maǵlıwmatlardı kirgiziwi;
-jeńillikleri bar bolsa, olardı tekseriwi;
- shet tilinen milliy yamasa xalıqaralıq sertifikatqa iye bolsa, sertifikat maǵlıwmatların kirgiziwi kerek.
Tálim baǵdarların bolsa 2021-2022-oqıw jılı ushın JOOna oqıwǵa qabıllawdıń mámleketlik buyırtpası parametrleri belgilenip, tiller kesiminde tastıyıqlanǵannan keyin tańlaw múmkin boladı.
Dizimge alıw Mámleketlik test orayınıń my.dtm.uz saytı hám Birden-bir interaktiv mámleketlik xızmetler portalı (my.gov.uz) arqalı ámelge asırıladı.
Abiturientlerdi dizimnen ótkeriw 20-iyulge shekem (20-iyul kúni de) dawam etedi hámde olar usı múddetke shekem óz maǵlıwmatların ózgertiriwi, shet tilinen milliy yamasa xalıqaralıq sertifikatqa iye bolatuǵın bolsa, sertifikat maǵlıwmatların kirgiziwi múmkin.