Янгиликлар
05
Nızamshılıqtaǵı jańalıqlar
Nızamshılıqtaǵı jańalıqlar
“Ózbekstan Respublikasında shet el puqaralarınıń hám puqaralıǵı bolmaǵan shaxslardıń huqıqıy halatı haqqında”ǵı Nızam (692-sanlı, 04.06.2021-j.) Prezident tárepinen imzalandı
Nızamǵa tiykar, eki yamasa onnan artıq mámleket puqaralıǵına iye shet el puqaraları qaysı mámleket puqaralıǵına tiyisliligi haqqındaǵı hújjetler boyınsha Ózbekstanǵa kirgen bolsa, Ózbekstanda sol mámlekettiń puqaraları esaplanadı.
Ózbekstandaǵı shet el puqaraları hám puqaralıǵı bolmaǵan shaxslardıń huqıq hám erkinlikleri xalıqaralıq huqıq normalarına muwapıq támiyinlenedi.
Ózbekstanda turaqlı jasaytuǵın shet el puqaralarına yamasa puqaralıǵı bolmaǵan shaxslarǵa - olar 16 jasqa tolǵanda yamasa ata-anasınıń, qáwenderlerdiń (ámengerlerdiń) ıqtıyarına kóre – bala tuwılǵan waqıttan baslap hám 16 jasqa tolǵanǵa shekem identifikaciyalawshı karta beriledi.
Identifikaciyalawshı karta tómendegi ámel etiw múddetlerine beriledi:
-jańa tuwılǵan bir jasqa shekem bolǵan balalarǵa– 2 jılǵa;
-bir jastan 16 jasqa shekem bolǵan shaxslarǵa – 5 jılǵa;
-16 jastan 60 jasqa shekem bolǵan shaxslarǵa – 5 jılǵa;
-60 jastan asqan shaxslarǵa – 10 jılǵa.
Nızamǵa kóre, shet el puqaraları hám puqaralıǵı bolmaǵan shaxslar:
● Ózbekstan aymaǵı boylap erkin háreketleniw huqıqına iye;
● Ózbekstan aymaǵında Ózbekstan puqaraları menen teń túrde múlk huqıqınan paydalanadı;
● mámleketlik emes kommerciyalıq emes shólkemniń shólkemlestiriwshileri, qatnasıwshıları (aǵzaları) bolıwı múmkin;
● mámleketlik uyımlarǵa, shólkemlerge hámde olardıń lawazımlı shaxslarına arza, usınıs hám shaǵım menen múrájat etiw huqıqına iye;
● mámleketlik xızmetlerden paydalanıw huqıqına iye;
● salıq jeńilliklerinen paydalanıwıı múmkin.
Sonday-aq, Ózbekstan aymaǵında turaqlı jasaytuǵın shet el puqaraları hám puqaralıǵı bolmaǵan shaxslar Ózbekstan puqaraları menen teń túrde pensiya alıw huqıqına iye.
18 jasqa shekem bolǵan shet el puqarası hám puqaralıǵı bolmaǵan shaxs Ózbekstanda turıw qaǵıydaların buzǵanı ushın hákimshilik juwapkershilikke tartılmaydı.