Янгиликлар
02
“Ijro.gov.uz” orınlaw intizamı vedomstvolararalıq birden-bir elektron sisteması nátiyjeli iskerlik kórsetiwin támiyinlewge qaratılǵan qosımsha ilajlar haqqında”ǵı Prezident qararı (PQ–5132-san, 31.05.2021-j.) qabıl etildi.
Nızamshılıqtaǵı jańalıqlar
“Ijro.gov.uz” orınlaw intizamı vedomstvolararalıq birden-bir elektron sisteması nátiyjeli iskerlik kórsetiwin támiyinlewge qaratılǵan qosımsha ilajlar haqqında”ǵı Prezident qararı (PQ–5132-san, 31.05.2021-j.) qabıl etildi.
Qararǵa tiykar, nızamshılıq hújjetleri hám tapsırmalar orınlanıwın támiyinlewdiń tómendegi tártibi engizildi:
birinshi basqısh – Prezidenti Administraciyası nızamshılıq hújjetleri hám tapsırmalardı “Ijro.gov.uz”ǵa kirgiziw ushın Ádillik ministrligine jiberedi;
ekinshi basqısh – Ádillik ministrligi qadaǵalawǵa alınatuǵın tapsırmalardı elektron sistemaǵa kirgizedi, usı tapsırmalardan kelip shıqqan halda juwapker orınlawshılar hám orınlaw múddetlerin belgileydi;
úshinshi basqısh – mámleketlik uyımlar hám shólkemler, hákimlikler, xojalıq birlespeleri nızamshılıq hújjetleri hám tapsırmalardı tolıq hám óz waqtında orınlanıwın támiyinleydi hám elektron sistemaǵa maǵlıwmatlardı kirgizedi;
tórtinshi basqısh – Ádillik ministrligi maǵlıwmatlar tolıqlıǵı hám durıslıǵın tekseredi, tastıyıqlaydı yamasa juwaplı orınlawshıǵa qayta islewge jiberedi;
besinshi basqısh – Ministrler Kabineti maǵlıwmatlar tolıqlıǵı hám durıslıǵın tekseredi, olardı tastıyıqlaydı yamasa juwaplı orınlawshıǵa qayta islewge jiberedi, hár ayda Prezidium májilislerinde orınlaw nátiyjeliligin sın kóz qarastan kórip shıǵadı hám Prezident Administraciyasına maǵlıwmat kirgizedi;
altınshı basqısh – Esap palatası orınlawshılar tárepinen kirgizilip, Ádillik ministrligi hám Húkimet tárepinen tekserilgen maǵlıwmatlardıń tolıqlıǵı hám durıslıǵın tekseredi, olardı qadaǵalawdan aladı yamasa juwapker orınlawshıǵa qayta islewge jiberedi;
jetinshi basqısh – Prezident Administraciyası nızamshılıq hújjetleri ham tapsırmalar orınlanıwın qadaǵalawshı shólkemlerdiń jumısların muwapıqlastıradı.
Qarar menen orınlaw intizamın bekkemlew boyınsha birden-bir hám úzliksiz “texnologiyalıq shınjır ”dı shólkemlestiriw boyınsha baslı baǵdarlar belgilendi.
“Ijro.gov.uz” orınlaw intizamı vedomstvolararalıq birden-bir elektron sistema arqalı nızamlar, Prezidenttiń párman, qarar, biylik hám tapsırmaları orınlanıwın shólkemlestiriw tártibi haqqındaǵı waqtınshalıq reje tastıyıqlandı.
Orınlaw múddeti belgilenbegen yamasa bir jıl hám onnan artıq etip belgilengen tapsırmalardıń orınlanıwı boyınsha maǵlıwmat hár altı ayda “Ijro.gov.uz”ǵa kirgizilip barıladı.
Tapsırmalar orınlaw múddetleri tek ǵana Ádillik ministrligi hám zárúr jaǵdaylarda, Húkimet tárepinen kórip shıǵılıp, Esap palatası juwmaǵı tiykarında hámde Prezident ruqsatı menen uzaytırıladı.