Янгиликлар
22
Nızamshılıqtaǵı jańalıqlar “Hayallar dápteri”ne kirgizilgen jalǵız hayallardıń perzentleri de baqshaǵa jeńillikli dizim tiykarında qabıl etiledi
Nızamshılıqtaǵı jańalıqlar
“Hayallar dápteri”ne kirgizilgen jalǵız hayallardıń perzentleri de baqshaǵa jeńillikli dizim tiykarında qabıl etiledi
Húkimet qararı (319-san, 20.05.2021-j.) menen Ministrler Kabinetiniń “Balalardı mámleketlik mektepke shekemgi bilimlendiriw mákemelerine qabıl etiw boyınsha mámleketlik xızmetler kórsetiwdiń hákimshilik reglamentin tastıyıqlaw haqqında”ǵı qararına ózgerisler kirgizildi.
Ózgerislerge tiykar, mektepke shekemgi shólkemlerge ústinlik penen qabıl etiw huqıqına iye balalar dizimi (jeńillikli dizim) jańalandı.
Endigiden bılay, balalardıń tómendegi kontingenti baqshaǵa ústinlik penen qabıl etiliw huqıqına iye boladı:
I hám II topar mayıplıǵı bolǵan shaxslardıń balaları (aldın – mayıp bolǵan shaxslardıń balaları);
kóp balalı shańaraqlardıń balaları (https://t.me/huqiqiymalimleme/4141);
jetim balalar yamasa ata-anasınıń qarawısız qalǵan balalar;
“Hayallar dápteri”na kirgizilgen sociallıq qorǵawǵa mútáj jalǵız hayallardıń balaları;
kontrakt boyınsha áskeriy xızmetshilerdiń hám ishki isler uyımları xızmetkerleriniń balaları (aldın – áskeriy xızmetshilerdiń hám huqıq qorǵaw uyımları xızmetkerleriniń balaları);
studentler hám pedagoglardıń balaları;
ajaǵaları yamasa ájapaları usı mákemeniń tárbiyalanıwshıları bolǵan balalar;
kóp tarmaqlı qánigelestirilgen mektepke shekemgi shólkemlerden ulıwma túrdegi mektepke shekemgi shólkemlerge ótkerilip atırǵan táwir bolǵan balalar (aldın- basqa mákemelerden ótkerilgen balalar).
Aldın baqshaǵa qabıl etiw ushın jeńillikli dizimge kirgizilgen balalardıń jeńillikleri olarǵa jollama berilgenge shekem saqlanıp qaladı.
Balalardı jeńillikli dizim boyınsha qabıl etiw mámleketlik-jeke sheriklikke tiykarlanǵan mámleketilk emes bilimlendiriw shólkemlerine qarata qollanılmaydı.
Usı oqıw jılınıń 31-may kúnine shekem 7 jasqa tolatuǵın balalardıń sorawnamaları usı sánede biykar etiledi hám avtomat túrde náwbetten shıǵarıladı.