Янгиликлар
17
Nızamshılıqtaǵı jańalıqlar
Nızamshılıqtaǵı jańalıqlar
Avtomobilde jolawshı tasıwdı tártipke salıw ápiwayılastırıladı
“Avtomobil transportında jolawshılar tasıw iskerligin tártipke salıwdı jánede ápiwayılastırıw ilajları haqqında”ǵı Prezident qararı (PQ–5108-san, 07.05.2021-j.) qabıl etildi.
Qararǵa kóre, 2021-jıl 15-maydan 2022-jıl aqırına shekem avtomobilde jolawshı tasıw iskerligin tártipke salıwdı ápiwayılastırıw boyınsha eksperiment ótkeriledi. Bunda:
- jolawshılardı aydawshıdan tısqarı tórtten artıq bolmaǵan orındıqlarǵa iye bolǵan jeńil avtotransportlarda tasıw jeke tártiptegi isbilermenler shuǵıllanıwı múmkin bolǵan iskerlik túrleri dizimine kirgiziledi;
- jeke tártiptegi isbilermenler tárepinen jolawshılardı jeńil avtotransportlarda tasıw licenziya betine tiykar ámelge asırıladı;
- licenziya beti 21 jasqa tolǵan hám basqarıwında arza beriw waqtında 10 jıldan artıq bolmaǵan waqıt dawamında ekspluataciya etilip atırǵan avtomobil' bar bolǵan jeke tártiptegi isbilermenlerge “Licenziya” málimleme sisteması arqalı beriledi;
- avtomobil'de jolawshılardı tasıw menen shuǵıllanatuǵın jeke tartiptegi isbilermenler
“Akkreditaciya orayı” MUKda akkreditaciyadan ótken texnikalıq xızmet kórsetiw stanciyalarında 6 ayda keminde 1 márte transport quralın texnikalıq kórikten ótkeriwi shárt;
- jeke tártiptegi tasıwshılar licenziyaǵa iye kárxanalarda hámde jolawshı tasıwshılarǵa jolawshılardı (klient) izlew boyınsha interaktiv xızmetlerdi kórsetiwshi isbilermenler (agregatorlar) tarepinen shólkemlestirilgen arnawlı tekseriw punktlerinde aylıq medicinalıq kórikten ótiwi shárt;
- jeke tártiptegi tasıwshılarǵa jolawshılardı avtomobil' transportında tasıw iskerligi sheńberinde xızmetkerlerdi iske jallawǵa ruqsat etilmeydi;
- 2021-jıl 1-sentyabr'ge shekem jeke tártiptegi tasıwshılardı mámleketlik dizimnen ótkergeni ushın mámleketlik bajı óndirilmeydi;
- jeke tártiptegi tasıwshılardan licenziya beti berilgeni ushın mámleketlik bajı jılına BEMnıń bir esesi muǵdarında óndiriledi. Bunda mámleketlik xızmetlerin kórsetkeni ushın jıyım óndirilmeydi;
- jeke tártiptegi tasıwshılar qatań belgilengen muǵdarda fizikalıq shaxslardan alınatuǵın dáramat salıǵın 3 tonnaǵa shekem júk kóteriw imkaniyatına iye avtomobil' transportında júklerdi tasıw iskerligi menen shuǵıllanıwshı jeke tártiptegi isbilermenler ushın belgilengen stavkada tóleydi.