Янгиликлар
07
Nızamshılıqtaǵı jańalıqlar
#Nızamshılıqtaǵı_jańalıqlar
Klinikalıq ordinatura qánigelikleri boyınsha qabıllaw kvotası eki esege asırıladı
“Den-sawlıqtı saqlaw sistemasında alıp barılıp atırǵan reformalardı izshil dawam ettiriw hám medicina xızmetkerleriniń potencialın asırıw ushın zárúr shárayatlar jaratıw haqqında”ǵı Prezident Pármanı (PP-6221-san, 05.05.2021-j.) qabıl etildi.
Pármanǵa tiykar, shańaraqlıq shıpakerlik puntkleri hám shańaraqlıq poliklinikalarda “medicina brigadaları” iskerligin jolǵa qoyıw, xalıqqa jánede sapalı medicinalıq xızmetler kórsetiw kólemin keńeytiw ushın 2021-jıl 1-iyulden 10 mıń, 2022-jıl 1-yanvardan baslap bolsa taǵı qosımsha 10 mıń orta medicina xızmetkerleri shtatları ajıratıladı.
Mútajlik bar bolǵan awır sharayatlı rayon (qala)lar medicina birlespeleri basshıları lawazımlarına respublika qánigelestirilgen medicina orayları, olardıń filialları, joqarı medicina bilimlendiriw mákemeleri, olar janındaǵı klinikalardıń maman basshı xızmetkerleri hám qánigeleri shártnama tiykarında belgili bir múddetke qamtıp alınadı.
2021-jıl 1 -iyulden miyirbiykelik jumısı ózin-ózi bánt etken shaxslar shuǵıllanıwı múmkin bolǵan iskerlik (jumıslar, xızmetler) túrleri dizimine kirgiziledi.
Soǵan kóre, miyirbiykelik isi jumısların tek ǵana orta medicinalıq yamasa joqarı miyirbiykelik isi baǵdarı boyınsha joqarı maǵlıwmatqa iye Den-sawlıqtı saqlaw ministrliginiń tiyisli málimleme sistemasında 2022-jıl 1-yanvardan baslap dizimnen ótken shaxslar ámelge asırıwı múmkin.
Sonıń menen birge, 2021/2022-oqıw jılınan klinikalıq ordinatura qánigelikleri boyınsha qabıllaw kvotası eki esege asırıladı.
Biypul medicinalıq járdem alıw huqıqın beretuǵın order beriw sisteması engiziledi
Pármanǵа (https://t.me/huqiqiymalimleme/4827) kóre, 2021-jıl 1-iyulden mámleketlik emes medicina shólkemlerine tómendegi iskerlik túrleri menen shuǵıllanıwǵa ruxsat beriledi:
- arnawlı avtotransportta shólkemlestiriletuǵın “mobil medicina” xızmeti járdeminde ornına shıqqan halda xalıqqa medicinalıq xızmet kórsetiw;
- mámleketlik emes medicina shólkeminiń orta medicina xızmetkerlerinen ibarat “medicinalıq punkt”lerdi shólkemlestiriw.
- 2021-jıl 1-noyabrge shekem biypul medicinalıq járdem alıw huqıqın beretuǵın order beriw sisteması engiziledi.
Pármanǵа kóre, respublika qánigelestirilgen medicina oraylarında biypul emleniwge orderler beriw ushın 2021-jılda Den-sawlıqtı saqlaw ministrligine qosımsha 80 milliard sum qarjı ajıratıladı.
Ministrlikte Intalı hám maman medicina qánigelerin qollap-quwatlaw hámde medicina mákemelerine qamtıp alıw qorı dúzildi.
Sonıń menen birge, 2021-jıl 1-iyulden Innovaciyalıq den-sawlıqtı saqlaw milliy palatası oǵan Vrachlar hám farmacevtlerge licenziya beriw hám attestaciyadan ótkeriw Respublika orayın qosıp alıw jolı menen qayta shólkemlestiriledi hámde Den-sawlıqtı saqlaw ministrligi sistemasına ótkeriledi.
Palata, atap aytqanda, medicina hám farmacevtika xızmetkerlerin attestaciyadan ótkeredi hám olarǵa ilimiy mamanlıq dárejelerin beredi.