Янгиликлар
05
Nızamshılıqtaǵı jańalıqlar
#Nızamshılıqtaǵı_jańalıqlar
❗️Pensiyalardı tayınlawda tek pasport yamasa identifikaciya ID-kartası talap etiledi
“Puqaralarǵa mámleketlik pensiyalardı tayınlaw procesin ápiwayılastırıw hámde pensiya hám napaqalardı jetkerip beriw sistemasın jánede jetilistiriw ilajları haqqında”ǵı Prezident qararı qabıllandı.
Qararǵa tiykar, 2022-jıl 1-yanvardan :
Pensiyalar, sociallıq napaqalar, kompensaciyalar hám basqa tólemler (pensiya hám napaqalar )di tólew hár úsh jılda Qaraqalpaqstan Respublikası, wálayatlar hám Tashkent qalası boyınsha óz aldına ótkeriletuǵın tender tiykarında saylanǵan kommerciyalıq banki hám basqa qánigelesken shólkemler tárepinen ámelge asırıladı.
Bunda pensiya hám napaqalardı naq pulda máhálle puqaralar jıyınlarına, puqaralardıń jasaw mánzillerine jetkeriw minnetlemesi júkletiledi.
2022-jıl 1-iyuldan:
➖ mámleketlik pensiyalardı tayınlawda puqaralardan miynet stajı, miynet haqı, JOOdaǵı oqıw hámde áskeriy xızmet dáwiri haqqındaǵı hújjetlerdi talap etiw biykar etiledi;
Bunda, pensiyaǵa shıǵıw huqıqı payda bolǵan waqtında islemeytuǵın puqaralarǵa ózleriniń miynet dáptershelerindegi miynet stajı haqqındaǵı maǵlıwmatlardı Bántlikke kómeklesiw oraylarına múrájat etiw arqalı "Birden-bir miynet milliy sisteması" vedomstvolararalıq baǵdarlamalıq-apparat kompleksine kirgiziw xızmeti engiziledi.
➖ mámleketlik pensiyalardı tayınlaw "Birden-bir miynet milliy sisteması" vedomstvolararalıq baǵdarlamalıq-apparat kompleksine kirgizilgen elektron maǵlıwmatlar tiykarında ámelge asırıladı.
Bunda miynet stajı, miynet haqı, JOOdaǵı oqıw hámde áskeriy xızmet dáwiri haqqındaǵı hújjetler Pensiya qorı tárepinen "Birden-bir miynet milliy sisteması" vedomstvolararalıq baǵdarlamalıq-apparat kompleksinen paydalanǵan halda elektron maǵlıwmatlar almasıwı tiykarında alınadı;
➖ mámleketlik pensiyalardı tayınlaw ushın puqaralardan tek pasport yamasa identifikaciya ID-kartası talap etiledi.
Sonıń menen birge, 2022-jıl 1-iyulga shekem nuraniyler hám kekse jastaǵılar, imkaniyatı sheklengen hám mayıplıǵı bolǵan shaxslarǵa xızmet kórsetiwge maslastırılǵan Pensiya qorınıń imaratları boyınsha minimal talaplarǵa tiykarınan hár bir aymaqta birewden Pensiya qorınıń házirgi imaratları negizinde “Úlgili Pensiya qorı bólimi” shólkemlestiriledi.