Янгиликлар
30
Búgin Qaraqalpaqstan Respublikası Ádillik minisrliginde xalqımız ushın “Ashıq esikler kúni” shólkemlestirildi.
“Ashıq esikler kúni” ótkeriwden maqset xalıqtı qıynap júrgen mashqala hám máselelerin nızam sheńberinde úyrenip shıǵıw, tiyisli huqıqıy másláhátlerin beriw, aldaǵı waqıtları xalıqtıń múrájatlarınan kelip shıqqan halda, jumıslarımızdı elede nátiyjeli shólkemlestiriw, sonday-aq kóbirek múrájatlar qılınǵan máseleler túrine qarap usı salada mánzilli hám predmetli huqıqıy úgit-násiyat ilajların qılıw, bul boyınsha keń jámiyetshilik arasında xalıqshıl tilindegi tarqatpa huqıqıy materialların, yaǵnıy infografika, flaer, bukletlerdi tayarlaw hám tarqatıw ilajların kóriw bolıp esaplanadı.
Ilaj dawamında puqaralardan 20 dan aslam múrajatlar kelip túsip, tiyisli tártipte nızam sheńberinde kórip shıǵıldı.
Sonday-aq ilajǵa tiyisli mámleketlik uyımlar hám shólkemlerde qatnasıp puqaralarǵa huqıqıy túsinikler berildi hám tiyisli múrájatları qabıl etildi. Kelip túsken múrájatlar analizlengende , olar tiykarınan bántlik, jumısqa qayta tiklew, sociallıq napaqa alıw, is haqısın óndiriw, turaq jay ushın kompensaciya óndiriw, aliment alıwda járdem beriw sıyaqlı máselelerine tiyisli esaplanadı.
Esletip ótemiz, Ádillik ministrliginde har ayda “Ashıq esikler kúni” ótkeriliwi belgilengen.