Янгиликлар
05
Билесизбе
Ҳәкимшилик тәртип-қағыйдалар ҳаққында нелерди билесиз?
Мәмлекетимизде арнаўлы “Ҳәкимшилик тәртип-қағыйдалар ҳаққында”ғы Нызам қабыл етилген.
Ҳәкимшилик тәртип-қағыйда – ҳәкимшилик органлардың ҳәкимшилик-ҳуқықый искерлигин тәртипке салыўшы процессуал қағыйдалар есапланады.
Бунда ҳәкимшилик органлар дегенде ҳәкимшилик-ҳуқықый искерлик тараўында ҳәкимшилик басқарыў ўәкиллиги берилген органлар, соның ишинде мәмлекетлик басқарыў органлары, жергиликли атқарыўшы ҳәкимият органлары, пуқаралардың өзин-өзи басқарыў органлары, сондай-ақ усы искерликти әмелге асырыўға ўәкилликли болған басқа шөлкемлер ҳәм арнаўлы дүзилген комиссиялар түсиниледи.
Арнаўлы ҳәкимшилик тәртип-қағыйларды белгилеўши нызам ҳүжжетлери физикалық ҳәм юридикалық шахслардың жағдайын жаманластырмаўы керек.
Усы Нызам ҳәкимшилик органлардың мәпдар шахсларға қарата ҳәкимшилик-ҳуқықый искерлигине, атап айтқанда лицензия, рухсат бериў, дизимнен өткериў тәртип-қағыйдаларына, мәмлекетлик хызметлерин көрсетиў менен байланыслы басқа тәртип-қағыйдаларға, сондай-ақ нызам ҳүжжетлерине муўапық басқа ҳәкимшилик-ҳуқықый искерлигине қарата усынылады.
Усы Нызам физикалық ҳәм юридикалық шахслар күнделик искерлигинде дус келиўи мүмкин болған әҳмийетли ҳүжжетлерден бири есапланады.
Ҳуқықый үгит-нәсият ҳәм ағартыўшылық бөлими