Янгиликлар
20
Коррупцияга қарши курашишнинг ҳуқуқий асослари
Коррупцияга қарши курашишнинг ҳуқуқий асослари мустаҳкамланмоқда
Тўрткўл тумани адлия бўлими томонидан Ўзбекистон Республикси Президентининг 2019 йил 27-майдаги ПФ-5729-сон Ўзбекистон Республикасида коррупцияга қарши курашиш тизимини янада такомиллаштириш чора-тадбирлари тўғрисидаги Фармонининг мазмун мохиятини тушунтириш мақсадида Тўрткўл Тиббиёт коллежида давра сухбати ўтказилди. Ушбу сухбатда Коррупция нима ва унинг келиб чиқиш сабаблари, Мамлакатимизда коррупцияга қарши курашнинг хуқуқий асослари хақида коллежни тугатиш арафасидаги талабаларга ҳамда ўқитувчиларга тушунчалар бериб ўтилди.
Жумладан, 5729-сон фармон билан коррупцияга қарши курашиш тизими самарадорлигини ошириш, энг юқори даражадаги қулай ишбилармонлик муҳитини яратиш, мамлакатнинг халқаро майдондаги ижобий обрў-эътиборини ошириш мақсадида 2019-2020 йилларда коррупцияга қарши курашиш давлат дастури, коррупцияга қарши курашиш бўйича республика идоралараро комиссияси тасдиқланди.
Давлат ҳокимияти ва бошқаруви органлари, жамоат бирлашмалари ва бошқа ташкилотлар икки ой муддатда Давлат дастурининг ҳар бир банди бўйича мақсадларга эришишда самарадорлик индикаторларини ишлаб чиқиш топширилди.
Ўзбекистон Республикаси Олий Мажлисининг палаталарида коррупцияга қарши курашиш ва суд-ҳуқуқ масалалари бўйича қўмиталар ташкил этилди.
Тўрткўл тумани адлия бўлими катта маслахатчиси У.Халимбетов