Янгиликлар
26
MOYNAQ RAYONI ÁDILLIK BѲLIMINIŃ 2021-JILDIŃ 6 AYI DAWAMINDA ÁMELGE ASIRILǴAN JUMISLARI BOYINShA ESABATI
MOYNAQ RAYONI ÁDILLIK BѲLIMINIŃ 2021-JILDIŃ 6 AYI DAWAMINDA ÁMELGE ASIRILǴAN JUMISLARI BOYINShA ESABATI
Birden bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, mámleketlik hám xojalıq basqarıw, jergilikli mámleketlik hákimiyatı uyımları jumıslarında huqıqtı qollaw ámeliyatın izshil hám bir túrde támiyinlew boyınsha ilajlardı ámelge asırıw ádillik uyımlarınıń tiykarǵı wazıypalarınan biri bolıp esaplanadı.
Bul baǵdarda 2021-jıldıń 6 ayında Moynaq rayonı ádillik bólimi tárepinen bir qatar jumıslar ámelge asırıldı.
Atap aytqanda, Insan huqıqların qorǵaw tarawında:
Bólimge Jámi 58 múrájat (30 arza, 28 shaǵım) kelip túsip, bul múrájatlar tolıq úyrenip shıǵıldı. Nátiyjede, bir neshe puqaralardıń huqıqları buzılǵanlıǵı anıqlanıp, olardıń buzılǵan huqıqları tiklendi hámde anıqlanǵan nızambuzıwshılıq jaǵdayların saplastırıw boyınsha 5 mekeme hám shólkemlerge usınıs kiritildi. Sudlarǵa 98,0 mln sumlıq arzalar kirgizilip, puqaralardıń huqıqları tiklendi.
Kelip túsken múrájatlardıń 35 (60,3%) qanaatlandırıldı, 13 múrájat boyınsha huqıqıy túsinikler berildi, 9 múrájat tiyisliligi boyınsha basqa mákeme hám shólkemlerge jiberildi, alǵan 1 múrájat múrájat iyesiniń iltimasına kóre kórmesten qaldırıldı.
Bul múrájatlar analizlengende eń kóp múrájatlar miynet hám sociallıq qorǵaw máselelerine baylanıslı ekenligi anıqlandı.
YUridikalıq xızmetlerdiń jumısların muwapıqlastırıw tarawında:
Búgingi kúnde rayonımızdaǵı mámleketlik mákeme hám shólkemlerde 9 yuriskonsul't bar bolıp, olardan jıl basınan 2 yuriskonsul't Ádillik ministrliginen attestaciyadan ótkizilgen, Sonday-aq, olardıń tájiriybesin arttırıw maqsetinde 2 yuriskonsul't Ózbekstan Respublikası Ádillik ministrligi janındaǵı YUristler mamanlıǵın asırıw orayında aralıqtan oqıwda oqıp mamanlıǵın asırdı.
Huqıqıy ekspertiza tarawında:
Moynaq rayonı ádillik bólimi tárepinen Moynaq rayonı hákiminiń hám rayonlıq xalıq deputatları Kenesiniń 7 sheshim joybarları huqıqıy ekspertizadan ótkerildi.
Huqıqıy úgit-násiyat hám aǵartıwshılıq tarawında:
Puqaralardıń huqıqıy sana hám huqıqıy mádeniyatın joqarılatıwǵa baylanıslı jumıslardıń nátiyjeliligin jáne de asırıw, puqaralardıń jámiyetlik-siyasiy ózgerisler menen sáykes túrde huqıqıy bilimlerin asırıp barıwdıń zamanagóy usılların engiziw maqsetinde 2021-jıl dawamında ádillik bólimi tárepinen «shaxs — shańaraq — máhálle — bilimlendiriw mákemesi — shólkem — jámiyet» principi boyınsha 353 úgit-násiyat jumısları (217 ǵalaba xabar qurallarında, 126 awızeki, 10 kórgizbeli huqıqıy úgit-násiyat) alıp barıldı.
Jańadan qabıl etilgen 398 normativ-huqıqıy hújjetler rayonlıq mákeme hám shólkemlerine elektron formada jetkerilip berildi.
Xalıqqa elede qolaylıq jaratıw maqsetinde, huqıqıy úgit-násiyat jumısları Moynaq rayonı ádillik bóliminiń bárshe rásmiy sociallıq tarmaqlardaǵı kanallarında turaqlı ráwishte alıp barılmaqta.
Moynaq rayonı ádillik bólimi baslıǵı: A.Dastenov