Янгиликлар
29
Nızamshılıqtaǵı jańalıqlar
Nızamshılıqtaǵı jańalıqlar
“Tonirovka”ǵa ruqsatnama beriw boyınsha mámleketlik xızmet tek ǵana my.gov.uz arqalı kórsetiledi
“Túsi ózgertirilgen (qaraytırılǵan) aynalı avtotransport qurallarınan paydalanıw tártibin jetilistiriw boyınsha qosımsha ilajlar haqqında”ǵı Húkimet qararı (465-san, 28.07.2021-j.) qabıl etildi.
Qararǵa kóre, 2021-jıl 1-oktyabrdan avtotransportlar aynalarınıń túsin ózgertiriwge (qaraytırıwǵa) ruqsatnama beriw boyınsha mámleketlik xızmeti tek ǵana Birden-bir mámleketlik interaktiv xızmetler portalı (BIMXP) arqalı kórsetiledi.
Qarar menen tastıyıqlanǵan hákimshilik reglamentke tiykar, avtotransportlar aynalarınıń túsin ózgertiriw (qaraytırıw) jumısları avtotransport quralı iyesi tárepinen ǵárezsiz túrde ámelge asırıladı.
Avtotransport arqa aynasınıń túsin jaqtılıq ótkeriwsheńligi sheklenbegen dárejede ózgertiriw (qaraytırıw), sonday-aq aldınǵı aynasınıń joqarı bólimi túsin 14 sm den kóp bolmaǵan polosa formasında jaqtılıq ótkeriwsheńligi sheklenbegen dárejede ózgertiriw (qaraytırıw) ushın ruqsatnama talap etilmeydi.
Ruqsatnama 1 jıl múddetke beriledi.
Arza beriwshi tárepinen ruqsatnama ushın tólem 10 kún múddette ámelge asırıladı.
Ruqsatnama aldın berilgen ruqsatnamanıń ámel etiw múddetine shekem qayta rásmiylestiriledi.
BIMXP arqalı ruqsatnamanı qayta rásmiylestiriw boyınsha mámleketlik xızmeti kórsetilgeni ushın tólem óndirilmeydi.