20.06.2022

ESABAT

Qaraqalpaqstan Respublikasi Korrupciyaǵa qarsı gúresiw aymaqlıq keńesiniń 2022-jıl birinshi yarım jıllıq Is-rejesiniń orınlanıwın támiyinlew maqsetinde  Ádillik ministrligi tárepinen korrupciyaǵa qarsı gúresiw, xalıqtıń hámde mámleketlik xızmetshilerdiń korrupciyaǵa qarsı nızamshılıq hújjetlerinen xabardarlıǵın asırıw, bul illetke qarsı ayawsız gúresiw sezimin qáliplestiriw maqsetinde yanvar-iyun aylarında bir qatar jumıslar alıp barıldı.
Is-rejeniń 2-bánti orınlanıwın támiyinlew maqsetinde ádillik bólimleri, prokuratura hám ishki isler bólimleri xızmetkerleri tárepinen Nókis qalası, Ellikqala, Shomanay, Ámiwdárya, Shımbay, Moynaq, Taqıyatas hám Nókis rayon hákimliklerinde úyreniw ótkerildi.
4-bánttiń orınlanıwı boyınsha Yuridika fakulteti studentlerinen ibarat «Street law» hám «Ádillik qanaatları» kewilli úgit-násiyatshılar toparı menen birge islesiw jolǵa qoyılǵan. Sonıń menen bir qatarda, ministrlik tárepinen mámleketlik emes kommerciyalıq emes shólkemler xızmetkerleri ushın ushırasıwlar ótkerildi.
6-bánt orınlanıwın támiyinlew maqsetinde turaqlı túrde ǵalaba xabar qurallarında shıǵıwlar hám ótkerilgen úgit-násiyat ilajları ministrliktiń sociallıq tarmaqlardaǵı kanallarında jaylastırılıp kelinbekte.
7-8-bántler boyınsha ministrlik hám rayon-qala ádillik bólimleri tárepinen yanvar-iyun aylarında bir qatar úgit-násiyat ilajları ótkerildi.  
Atap aytqanda, ministrlik tárepinen Qaraqalpaqstan Respublikası Xalıq bilimlendiriw, Mektepke shekemgi bilimlendiriw, Úy-jay kommunal xızmet kórsetiw, Densawlıqtı saqlaw ministrliklerinde, Qaraqalpaq mámleketlik universitetiniń Yuridika hám Ximiya-texnologiya fakultetlerinde, Ózbekstan mámleketlik konservatoriyası Nókis filialında, Ózbekstan mámleketlik kórkem-óner hám mádeniyat institutı Nókis filialında, Nókis mámleketlik pedagogika institutında, Arqa-batıs áskeriy okrugı 71181-sanlı áskeriy bóliminde (2 márte), Qaraqalpaq aymaqlıq elektr tarmaqları AJinde (3 márte), Qaraqalpaqstan Respublikası sudında, Nókis qalasındaǵı 1, 3, 5, 6-sanlı ulıwma bilim beriw mekteplerinde, Nókis qalasında jaylasqan  “Hawa jolı”, “Aydın jol”, “Doslıq gúzarı”, “Qutlı qonıs” MPJlarda úgit-násiyat jumısları alıp barıldı. Usı jıldıń 31-may kúni ministrlik tárepinen mámleketlik uyım hám shólkemlerdiń kompleans qadaǵalawdı ámelge asırıwshı xızmetkerleri ushın seminar shólkemlestirildi.  
Sonıń menen bir qatarda, rayon (qala) ádillik bólimleri hám yuridikalıq xızmet kórsetiw orayları tárepinen de bir qatar úgit-násiyat jumısları alıp barıldı.
Atap aytqanda, Qanlıkól, Taqıyatas rayonı medicina birlespesinde, QR IIB Transportta qáwipsizlikti támiyinlew basqarmasında, Qanlıkól rayonı Sanitariya-epidimiologiyalıq tınıshlıq hám jámiyet salamatlıǵı bóliminde, Nókis rayonı bilimlendiriw bóliminde, Taxtakópir rayonı hákimliginde, Ishki isler bóliminde, Bozataw rayonı hákimliginde, Tórtkúl rayonı Mádeniyat bóliminde, Ellikqala rayonı “Qavatqala” MPJda, rayon Medicina birlespesinde, Tórtkúl rayonı “Anxorli” MPJda, Qanlıkól rayonı Suenli irrigaciya bóliminde, Nókis qalalıq Medicina birlespesinde, Qanlıkól rayonı Abadanlastırıw basqarmasında, 2-sanlı ulıwma bilim beriw mektebinde,  Kegeyli rayonı veterinariya hám sharwashılıqtı rawajlandırıw bóliminde, Shomanay rayonı Xalıq bantligine kómeklesiw orayında, Shımbay rayonı Abadanlastırıw basqarmasında, Kegeyli rayonı Mektepke shekemgi bilimlendiriw bóliminde, Bozataw rayonı Medicina birlespesinde, Qanlıkól rayonı Mektepke shekemgi bilimlendiriw shólkeminde, Nókis qalaliq Mektepke shekemgi bilimlendiriw bóliminde, «Adolat» SDPsında, Qaraózek rayonı Mámleketlik xızmetler orayında hám basqa bir qatar orınlarda ótkerildi (tastıyıqlawshı hújjetler usınıladı).
Sonıń menen bir qatarda, ǵalaba xabar qurallarında korrupciyaǵa qarsı gúresiw boyınsha qabıl etilgen nızamshılıq hújjetleriniń mazmun-mánisin túsindiriw maqsetinde “Kúnniń teması”, “Xabar”, “Assalawma aleykum Qaraqalpaqstan” kórsetiw hámde  baǵdarlamalarında, Qaraqalpaqstan radiokanalında bir qatar shıǵıwlar ámelge asırıldı.  
22-bánt orınlanıwın támiyinlew maqsetinde ministrlik tárepinen korrupciyaǵa qarsı gúresiw nátiyjeliligin hám mámleketlik uyım hám shólkemlerde komplaens qadaǵalawdı ámelge asırıwshı xızmetkerlerdiń juwapkershiligin asırıw hám xoshametlew maqsetinde ótkeriletuǵın “Korrupciyasız jámiyet qurıwǵa juwapkermiz” tańlawın shólkemlestiriw hám ótkeriw tártibi boyınsha usınıs berildi.