Янгиликлар
19
Perzentlikke alıwdıń huqıqıqıy tiykarları
Perzentlikke alıwdıń huqıqıqıy tiykarları
Perzentlikke alıw tek er jetpegen balalarǵa olardıń máplerin gózlep jol qoyıladı
Perzentlikke alıw perzentlikke alıwdı qálegen shaxslardıń arzası boyınsha ámengerlik hám qáuengerlik organlarınıń perzentlikke tiykarlıǵı hám perzentlikke alınatuǵın balanıń máplerine tuwra keliwi haqqındaǵı juwmaq esapqa alınǵan halda sud tárepinen ámelge asırıladı.
Aǵa-ini hám apa-sińliler hár qıylı shaxslar tárepinen perzentlikke alıwǵa jol qoyılmaydı.
Er jetken erkek hám hayal puqaralar perzentlikke alıwshılar bolıwı múmkin.
Tómendegi shaxslar perzentlikke alıwshılar bola almaydı:
ata-analıq huqıqınan ayırılǵan yamasa ata-analıq huqıqı sheklengenler;
nızam menen belgilengen tárepinte ózine juwap bere almaytuǵın yamasa ózine juwap beriwi sheklengen dep tabılǵanlar;
nerv kesellikleri yamasa narkologiya dispanserinde dizimde turıwshılar;
perzentlikke alınǵanlıǵı biykar bolǵan aldıńǵı perzentlikke alıwshılar;
Perzetlikke alıwshılar hám perzentlikke alınıwshılar arasındaǵı jasındaǵı parq on bes jastan kem bolmawı shárt.
Perzentlikke alıwdıń sır saqlanıwı nızam menen qorǵaladı.
On jasqa tolǵan balanı perzentlikke alıw ushın onıń razılıǵı talap etiledi.Perzentlikke alıwda balanıń razılıǵı ámengerlik hám qáwenderlik organları yamasa sud tárepinen perzentlikke alıw haqqındaǵı isi kórilip atırǵanda anıqlanadı.
Eger bala perzentlikke alıwshılardıń shańaraǵında tárbiyalanıp atırgan bolsa hám olardı óz ata-anam dep bilse perzentlikke alıw perzentlikke alınatuǵın balanıń razılıǵısız ámelge asırılıwı múmkin.
Balanı perzentlikke alıw ushın perzentlikke alınatuǵın balanıń ata-anasınıń razılıǵı talap etiledi.
Tómendegi jaǵdaylarda ata-ananıń razılıǵısız perzentlikke alınadı:
ata-anasınıń kimligi belgisiz bolsa;
ata-ana ata-analıq huqıqınan ayırılsa;
ata-ana ózine juwáp bere almaytuǵın, biydárek joǵalǵan yamasa qaytıs bolǵan dep tabılǵan bolsa;
ata-ana bir jıldan artıq muddet dawamında sebepsiz xabar almaǵan bolsa,ata-ananıń razılıǵısız ámelge asırıladı.
Perzentlikke alınǵan balalar barlıq jeke hám mulk huqıqlarda perzentlikke alıwshınıń óz perzentlerine teńlestiriledi.
Perzentlikke alınǵanlar hám olardıń ata-anası (ata-ana tuwısqanları) bir-birine salıstırǵanda jeke hám mulk huqıqların joytadı hám óz-ara wazıypalardan azat boladı.
Bala bir shaxs tárepinen perzentlikke alınǵan bolsa, onıń máplerin gózlep balanıń jeke mulk hámde mulk huqıq hám wazıypaları,eger perzentlikke alıwshı erkek bolsa, anasınıń iltimazı boyınsha, perzentlikke alıwshı hayal bolsa, atasınıń iltiması boyınsha saqlanıp qalıwı mumkin.
Eger perzentlikke alınatuǵın balanıń atası yamasa anası qaytıs bolsa,qaytıs bolgán atanıń yamasa ananıń ata-anası iltiması boyınsha jeke mulk hamde mulk huqıq hám wazıypaları,eger balanıń mápleri usını talap etse, qaytıs bolgán atasınıń yamasa anasınıń tuwısqanlarına saqlanıp qalıwı mumkin.
Perzentlikke alıngán balanıń tuwılǵanlıǵın dizimge alıw dápterine tiyisli ózgerisler kiritilgen kún perzentlikke alınıwdıń júzege kelgen waqtı bolıp
esaplanadı.
Shomanay rayonı ádillik bólimi PHAJ bólimi baslıgı: Zinep Alieva