Янгиликлар
09
HAJǴA NÁWBETTE TURǴANLARDIŃ BIRDEN-BIR ONLAYN NÁWBETI 1 DEKABRDEN ISKE TÚSIRILDI
HAJǴA NÁWBETTE TURǴANLARDIŃ BIRDEN-BIR ONLAYN NÁWBETI 1 DEKABRDEN ISKE TÚSIRILDI
Ózbekstan Respublikası Prezidentiniń 2023-jıl 27-noyabr kúngi PP-200-sanlı pármanına kóre, 2023 jıl 1-dekabrden baslap aymaqlar kesiminde Haj zıyaratına barıw ushın náwbette turǵan puqaralardıń birden-bir onlayn náwbeti tiyisli shólkemlerdiń rásmiy saytlarına jaylastırılıwı belgilendi. Ashıq daǵaza etiliwi shárt bolǵan maǵlıwmatlar dizimi keńeyttirildi.
Hújjetke tiykar, 2023-jıl 1-dekabrden baslap tómendegi maǵlıwmatlar ashıq járiyalap barıladı:
- aymaqlar kesiminde “Haj” ilajına barıw ushın náwbette turǵan ziyaratshılardıń birden-bir onlayn náwbeti (zıyaratqa baratuǵın shaxstıń arzası náwbetke qoyılǵan sáne hám dizimdegi tártip nomeri);
- balalardı mámleketlik mektepge shekemgi bilimlendiriw shólkemine qabıllaw ushın berilgen arzalar náwbeti (arza náwbetke qoyılǵan sáne, dizimdegi tártip nomeri, jas toparı hámde shólkem nomeri);
oraylıq, aymaqlıq hám sistema shólkemlerinde bos jumıs orınların, jumısqa qabıllaw shártleri, kandidatlarǵa qoyılatuǵın talaplar hám usınıs etiliwi kerek bolǵan hújjetler;
mámleketlik organlar hám shólkemler tárepinen mámleketlik emes kommerciyalıq emes shólkemlerge usınıs etilgen grant jáne social buyırtpa joybarları haqqındaǵı maǵlıwmatlar, sonday-aq, jeńimpaz bolǵan mámleketlik emes kommerciyalıq emes shólkemler hám olardıń buyırtpa sheńberinde orınlaǵan jumısları boyınsha esabatları haqqındaǵı maǵlıwmatlar;
mámleketlik organlar hám shólkemlerde mámleketlik satıp alıwlardı ámelge asırıw tártip-qaǵıydaların belgileytuǵın satıp alıw komissiyasınıń ishki tártibi (qaǵıyda, reglament, jollama yamasa basqa ishki hújjet).
Esletip ótemiz, Ministrler Kabinetiniń 2017-jıldaǵı qararına tiykar, Hajǵa baratuǵın ziyaratshılardıń birden-bir onlayn náwbeti Din isleri boyınsha komitet hám Ózbekstan musılmanları idarasınıń rásmiy saytlarında járiyalap barılıwı belgilengen, lekin bul ámelge aspaǵan edi.
Taxtakópir rayonı Ádillik bólimi
MXO bólim direktorı P.Reimkulov