Янгиликлар
08
Avtomobil tariyxı haqqında maǵlıwmatnama alıw boyınsha
Avtomobil tariyxı haqqında maǵlıwmatnama alıw boyınsha
Ózbekstan Respublikası Ministrler Kabinetiniń 2022-jıl 9-marttaǵı 106-sanlı qararı menen «Avtomobil tariyxı» maǵlıwmatların alıw boyınsha mámleketlik xızmetin kórsetiwdiń hákimshilik reglamentı tastıyıqlanǵan edi.
Oǵan muwapıq ótken 2022 jıl 1-maydan baslap:
• «Avtomobil tariyxı» maǵlıwmatların Mámleketlik xızmetler orayları yamasa Birden-bir interaktiv mámleketlik xızmetler portalı (BbIMXP) arqalı alıw boyınsha mámleketlik xızmeti jolǵa qoyıldı;
• transport quralın texnikalıq kórikten ótkeriw processinde transport quralınıń basıp ótken aralıǵı haqqındaǵı maǵlıwmatlar, atap aytqanda texnikalıq kórikten ótkeriwshi isbilermenlik subektleri tárepinen de májburiy tártipte axborat sistemasına kirgiziw jolǵa qoyıldı.
«Avtomobil tariyxı» tómendegi maǵlıwmatlardı óz ishine aladı:
• avtotransport quralı haqqında ulıwma maǵlıwmatlar;
• basıp ótken aralıǵı;
• shártnamalar dúzilgenligi (isenim xat, ijára, sawǵa shártnaması);
• jol-transport hádiysesi ámelge asırılǵanlıǵı;
• júz bergen qaǵıydabuzarlıqlar;
• girewde ekenligi haqqında (bar bolsa);
• qadaǵan bar yamasa joqlıǵı;
• bajıxana rásmiylestiriwi haqqında;
• licenziya dárejesi (jolawshı tasıw boyınsha).
Mámleketlik xızmetinen paydalanıw ushın onlayn-sorawnama (MXO, BbIMXP) toldırıladı. Xızmet kórsetilgenligi ushın BEMnıń 10% muǵdarında jıyım óndiriledi. Maǵlıwmatlar real waqıt rejiminde tayarlanadı hám arza beriwshige usınıs etiledi. Maǵlıwmatnama shaxsqa tiyisli maǵlıwmatlar járiyalanbaǵan halda usınıs etiledi (avtotransport quralı iyesi tárepinen óziniń «Avtomobil tariyxı»n biliw ushın jibergen sorawnamalardan tısqarı).
Qanlikól rayonı ádillik bólimi MXO bólim baslıǵı D Qudenov