Янгиликлар
28
Puqaralar óz huqıq hám máplerin buzıp atırǵan lawazımlı shaxslar qararları ústinen hákimshilik sudqa múrájat etkende mámleketliq bajı tólemeydi
Puqaralar óz huqıq hám máplerin buzıp atırǵan lawazımlı shaxslar qararları ústinen hákimshilik sudqa múrájat etkende mámleketliq bajı tólemeydi
Prezident tárepinen imzalanǵan Nızam (ÓRN-897-sanlı,16.01.2024 jıl.) menen “Mámleketlik bajı haqqında”ǵı nızamǵa ózgeris hám qosımshalar kirgizildi
Oǵan kóre, fizikalıq shaxslar óz huqıqların hám nızamlı máplerin buzıp atırǵan jergilikli mámleketlik hákimiyatı uyımlarınıń, respublika atqarıwshı hákimiyat uyımlarınıń, hákimshilik-huqıqıy iskerlikti ámelge asırıwǵa wákillikli bolǵan basqa organlardıń, puqaralardıń ózin-ózi basqarıw uyımlarınıń, olar lawazımlı shaxslarınıń qararları, háreketleri (háreketsizligi) ústinen sudqa shaǵım etkende mámleketlik bajını tólewden azat etiledi.
Usı shaxslardıń talapların qanaatlandırıw tolıq yamasa qısman biykar etilgen jaǵdayda, mámleketlik bajı sol shaxslardan talaplardıń qanaatlandırılıwınan bas tartılǵan muǵdarına proporcional túrde óndiriledi.
Bunday jaǵdaylarda puqaralardan berilgen arzalar boyınsha mámleketlik bajı BEMnıń 70 payızı etip belgilendi (aldın BEMnıń 1 esesi muǵdarında edi).
Nızam rásmiy járiyalanǵan kúnnen baslap kúshke kiredi.
Xojeli ádillik bóliminiń
yuridikalıq xızmet kórsetiw
orayı bas yuriskonsultı G.Faxratdinova