Янгиликлар
28
«Jınayat faktorları» moduli jaratıladı
«Jınayat faktorları» moduli jaratıladı
“Kriminologiya tarawında ilimiy-ámeliy izertlew jumısların shólkemlestiriw ilajları haqqında”ǵı Prezident qararı (PQ-22-sanlı, 15.01.2024-jıl.) qabıl etildi.
Tómendegiler respublikamızda kriminologiya tarawında ilimiy-ámeliy izertlew jumısların shólkemlestiriwdiń ústin jónelisleri etip belgilendi, atap aytqanda:
jınayatshılıq, sonday-aq latent jınayatshılıq tendenciyaların sistemalı túrde analiz hám prognoz etiw, unamsız tendenciyalardı anıqlaw hám olardı saplastırıw boyınsha maqsetli ilajlardı islep shıǵıw;
jınayattıń tiykarǵı sebeplerin kompleks ilimiy diagnoz tiykarında anıqlaw hám saplastırıw ilajları sistemasın belgilew, kriminologiyalıq iskerlikke jasalma intellekt hám zamanagóy sanlı texnologiyalardı engiziw.
Institut kriminologiya tarawı boyınsha tayanısh ilimiy shólkem esaplanadı hám de kriminologiyalıq iskerlikti ekspertlik hám ilimiy támiyinlew jumısların wákilligi sheńberinde muwapıqlastıradı.
Instituttıń ilimiy quramlıq lawazımları yuridikalıq, psixologiya, sociologiya, pedagogika, texnika, ekonomika, medicina hám geografiya tarawları boyınsha ilimiy dárejege iye bolǵan kadrlar menen jámlenedi.
Institutqa ilimiy-ámeliy izertlewler procesine shártnama tiykarında, sonday-aq jetekshi shet el ilimiy-izertlew mákemelerinden joqarı ilimiy-analitik uqıpǵa iye qánigelerdi 1 jılǵa shekem múddetke tartıw hám miynet bazarı kon'yunkturasini esapqa alǵan halda olardıń miynetine haqı tólew muǵdarın belgilew huqıqı beriledi.
2024-jıl 1-iyul'ǵa shekem ilimiy diagnoz tiykarında jınayatshılıq sebeplerin anıqlaw mexanizmlerin názerde tutqan halda “E-jámáát qáwipsizligi” birden-bir avtomatlastırılǵan málimleme sistemasınıń “Jınayat faktorları” moduli jaratıladı.
Xojeli ádillik bóliminiń
yuridikalıq xızmet kórsetiw
orayı bas yuriskonsultı G.Faxratdinova