Янгиликлар
28
Jaslar isleri agentligi Húkimet boysınıwına ótkerildi
Jaslar isleri agentligi Húkimet boysınıwına ótkerildi
"Jaslar siyasatı hám sport tarawında mámleketlik basqarıwı sistemasın jedellestiriw ilajları haqqında"ǵı Prezident Pármanı (PP-18-sanlı, 20.01.2024 j) qabıl etildi
Párman menen Jaslar isleri agentligi Jaslar siyasatı hám sport ministrligi sistemasınan Ministrler Kabineti boysınıwına ótkerildi.
Jaslar siyasatı hám sport ministrligi negizinde Sport Ministrligi shólkemlestirildi.
Sport ministrligi hám Jaslar isleri agentligi tiyisliligi boyınsha Jaslar siyasatı hám sport ministrliginiń huqıqları, minnetlemeleri hám shártnamaları, sonıń tiykarında xalıqaralıq shártnamaları boyınsha huqıqıy miyrasxorı esaplanadı.
Sonday-aq:
- tiyisliliginshe Sporttı qollap-quwatlaw qorı Sport ministrligi hám de onıń sistemasındaǵı byudjet shólkemleri quramındaǵı, Jaslarǵa tiyisli mámleket siyasatın qollap-quwatlaw qorı Jaslar isleri agentligi hám onıń aymaqlıq bólimleri hám Jaslar mashqalaların úyreniw hám jetik kadrlardı tayarlaw institutı quramındaǵı qárejetlerdi qáliplestiriw hám olardan paydalanıwdıń ámeldegi tártibin tolıq saqlap qalǵan halda yuridikalıq shaxs statusına iye bolmaǵan byudjetten tısqarı qorı sıpatında iskerlik júritedi;
- sport tarawına hám jaslarǵa tiyisli mámleketlik siyasatın ámelge asırıwǵa tikkeley yaki tikkeley bolmaǵan tásir etetuǵın normativ-huqıqıy hújjetlerdiń joybarları, sonday-aq, Mámleket byudjeti qárejetleri esabınan shólkemlestiriletuǵın jaslarǵa baylanıslı infradúzilmeler, sport ob'ektleri hám imaratlarınıń joybar hújjetleri tiyisliliginshe Sport ministrligi hám Jaslar isleri agentligi menen májbúriy tárizde kelisiledi.
Xojeli ádillik bóliminiń
yuridikalıq xızmet kórsetiw
orayı bas yuriskonsultı G.Faxratdinova