Янгиликлар
28
Ózbekstanda islep shıǵarılmaytuǵın ayırım tovarlar bajıxana tóleminen azat etiledi
Ózbekstanda islep shıǵarılmaytuǵın ayırım tovarlar bajıxana tóleminen azat etiledi
Pármanǵa kóre, 2024-jıl 1-marttan 2026-jıl 1-martqa shekem:
-isbilermenler tárepinen Ózbekstan aymaǵına alıp kiriletuǵın uqsas respublikada islep shıǵarılmaytuǵın tómendegi tovarlar bajıxana tóleminen azat etiledi:
-miymanxana hám basqa jaylastırıw quralları,sawda-kewilashar komplekslerin qurıw, rekonstrukciya qılıw hám úskenelew ushın ásbap-úskeneler, texnika,shiyki zat, pútinlewshi buyımlar hám kerekli uskeneler, mebel' hám inventarlar, qurılıs materialları hám basqa materiallar;
-shomılıw háwizleri (basseyn) hám akvaparkler ushın mólsherlengen ásbap-úskeneler, buyımlar, turniketler,tólem-maǵlıwmat terminalları videobaqlaw sistemaları, jańa zamanagóy energiya tejewshi sistemalar, arnawlı suw tazalaw fil'trleri;
-turizm oraylarında jaylasqan zergerlik hám altın ónimleri usaqlap satıw sawdası dúkánları iskerligin shólkemlestiriw ushın kerek bolatuǵın qurılıs (rekonstrukciya hám modernizaciya qılıw) materialları, ásbap-úskeneler hám texnologiyalar;
- Moynaq hám Zomin aeroportlarına ushıwlar ámelge asırılǵanda 23 jasqa shekem bolǵan jaslar, jasqa baylanıslı pensiya hám napaqa alıwshılar,mayıplıǵı bolǵan shaxslar ushın aviajolawshılar biletlerin satıw 50 payız jeńillikli tárifler boyınsha ámelge asırıladı hám jolawshı tasıwshı kompaniyalardıń usı jeńillikti usınıwı menen baylanıslı qárejetleri byudjet esabınan qaplap beriledi.
- Miymanxana hám turizm xızmetlerin kórsetiw boyınsha mámleketlik aktivlerin sawdaǵa shıǵarıwda satıp alıw tólemleri, muǵdarına qaramastan, 5 jılǵa shekem bólip-bólip tólew imkaniyatı názerde tutıladı hám 3 aydan artıq múddet satılmastan turǵan aktivlerdiń baslanǵısh bahasın 30 payızǵa shekem túsiriw, zárúr jaǵdaylarda, balans(qaldıq) qunında satıw sharaları kórip barıladı.
Xojeli ádillik bóliminiń
yuridikalıq xızmet kórsetiw
orayı bas yuriskonsultı G.Faxratdinova