Янгиликлар
28
Kimler poezdlarda biypul júriw huqıqına iye?
Kimler poezdlarda biypul júriw huqıqına iye?
Ózbekstan Respublikası Ministrler Kabinetiniń 2012-jıl 13-aprel kúngi “Ózbekstan Respublikası Temir jol transportında jolawshılar, bagaj hám júk bagaj tasıw qaǵıydaların tastıyıqlaw haqqında”ǵı 109-sanlı qararı qabıl etildi.
Qarar qosımshasınıń 30-bántinde, jolawshı, jolawshı tasıw poezdı jónelisi boyınsha hár qanday stanciyaǵa shekem, hár qanday taypadaǵı vagon hám jolawshı tasıw poezdına bilet satıp alıw huqıqına iye. Mánzil stanciyasına shekem tuwrıdan-tuwrı poezd bolmaǵanda, jolawshı jolawshı tasıw poezdında orınlar bar bolǵanda hám de bul stanciya shólkemlestiriw punkti hám quram (vagon) aylanıwı punkti esaplanǵan shártlerde ekinshi biletti rásmiylestiriwi múmkin.
Basqa poezdǵa ótiw menen ketip baratırǵan hám jeńillikli huqıqqa iye bolǵan jolawshıǵa júriw rásmiylestirilgende, dáslepki jónew stanciyası bilet kassiri, bunday jolawshınıń jeńillikli yamasa biypul biletinde dáslepki stanciyadan aqırǵı stanciyaǵa shekem ótiwdi esapqa alǵan halda tolıq jóneliste jetip barıwı haqqında belgi qóyadı. Bunda poezdǵa otırıw jolawshı tasıw poezdları barıwınıń eń qısqa baǵdarı boylap úshewden artıq bolmaǵan ótiw ámeldegi bolǵan jónelis boyınsha rásmiylestiriledi. Jolawshı ózi menen birge jolawshı tasıw poezdında jol haqı tólemesten 5 jasqa shekem (jónew waqtına jası tolǵanıda) bir balanı bólek orın berilmesten alıp júriw huqıqına iye. 5 jasqa shekemgi balaǵa bilet rásmiylestiriw jol haqı tólemesten ata-ananıń birewiniń biletine tiykarlanıp ámelge asırıladı.
Jolawshı menen birden artıq 5 jasqa shekem (jónew waqtına jası tolǵanıda) balalar ketip baratırǵan bolsa, olardan biri jol haqı tólemesten, qalǵanları - tarif qunınan eliw payız shegirme menen bólek orın usınıs etilip tasıladı.
5 jastan 10 jasqa shekem (jónew waqtına jası tolǵanı da) balalarǵa da tarif qunınıń eliw payız shegirmesi menen óz aldına orın beriledi.
10 jastan asqan balalar ushın biletler úlkenler retinde satıp alınadı.
5 jasqa shekem (jónew waqtına jası tolǵanıda) ekinshi balanı jol haqı tólemesten júriwine, bólek orın usınıs etilmesten, poezda júriwi eki ata-ana tárepinen ámelge asırılıp atırǵanda jol qóyıladı. Bunday jaǵdayda balaǵa jol haqı tólenbeytuǵın bilet hár bir ata-ana biletine birden rásmiylestiriledi. 10 jasqa shekem (jónew waqtına jası tolǵanıda) balalar poezda júriwleri ushın balalar biletleri beriledi.
Xojeli ádillik bóliminiń
yuridikalıq xızmet kórsetiw
orayı bas yuriskonsultı G.Faxratdinova