Янгиликлар
28
“Jaslar dápteri”, “Hayallar dápteri”, “Temir dápteri”ne kimler kiritiledi
“Jaslar dápteri”, “Hayallar dápteri”, “Temir dápteri”ne kimler kiritiledi
Ózbekstan Respublikası Ministrler Kabiynetiniń “Materiyallıq járdem hám kómekke mútaj shańaraqlardı, hayal-qızlar hám jaslardı social qollap-quwatlaw boyınsha qosımsha is-ilájlar haqqında”ǵı 2021-jıl 28-aprel kúni 250-sanlı qararı tasdiyqlandı.
Oǵan kóre,
- «Temir dápter»dıń júritiliwi boyınsha Ekonomika rawajlanıw hám kambaǵallıqtı qısqartıw ministrligi;
- «Hayallar dápteri» júritiliwi boyınsha Shańaraq hám hayal-qızlar kamiteti;
- «Jaslar dápteri» júritiliwi boyınsha Jaslar isleri agentligi juwapker esaplanadı.
«Temir dápter» boyınsha:
«Temir dápter»ge Hár bir sektor boyınsha máhallebay tómendegi shańaraqlar kiritiledi:
- Ministrler Kabiynetiniń «Xalıqtı social qorǵaw sistemasın jánede jedellestiriw hámde tarawǵa zamanagóy xabar-komminikaciya texnologiyaların en jaydırıw is-ilájları haqqında»ǵı 2021-jıl 5-martdaǵı 122-san qararı talapları tiykarında kem támiynlengen shańaraq dep tabılǵan shańaraqlar;
- Social járdemge mútáj I hám II topar nágiranlıǵı bolǵan shánaraq aǵazaları bar bolǵan shánaraqlar;
- Kem támiynlengen jalǵız baslılar hám kekseler;
- Baǵıwshısın joytqan mútáj shańaraqlar;
- Kóp (4 hám onnan artıq) perzentli materiyallıq kómekke mútáj shańaraqlar;
- Miynetke uqıplı jumıssız aǵzaları bar bolǵan mútáj shańaraqlar;
- Medicinalıq járdemge mútáj shańaraqlar (dawamlı yaki awır nagiranlıqqa alıp keliwshi kesllikke ushıraǵan hám nagiranlıq toparı belgilenbegen aǵzaları bar bolǵan jeterli dáramad deregine iye bolmaǵan shańaraqlar);
- Turaq jay emes jerlerde jasapatırǵan, ózi yaki birgelikte jasawshı shańaraq aǵzalarınıń atında turaq jay bolmaǵan mútáj shańaraqlar.
Bunda, eger joqarıdaǵılarǵa mas keletin shańaraqlardıń aǵzaları mas ráwishte «Hayallar» hám «Jaslar» dápterinede kiritilgen bolsa, usı shańaraqlar dizimi «hayallar» hám «jaslar» dápterlerinde júritiledi.
«Hayallar dápteri» boyınsha:
- social qorǵáwǵa mútáj jumıssız hayal-qızlar - bántligi táminlenbegen, islew qáliytin hám dáramat deregine iye bolmaǵan mútáj hayal-qızlar;
- isbilermenlik etiwdi qálewshi mútáj hayal-qızlar - bántligi táminlenbegen, isbilermenlik etiwdi qálewshi mútáj hayal-qızlar;
- baǵıwshısı bolmaǵan mútáj hayal-qızlar – baǵıwshısı qaytıs bolǵan, jazanı orınlaw makemelerinde saqlanıpatrǵan, ruxiy kesellikke ushraǵan, I-II topar nagiranlıǵı bolǵan hámde turaqlı dáramad deregine iye bolmaǵan, biyderek joytılǵan (sud qararına tiykar) mútáj hayal-qızlar, sondayaq, nekesi biykar etilgen kem támiynlengen hayal-qızlar hám kem támiynlengen jalǵız analar (PHAJ organlarınıń maǵlıwmatnaması tiykarında);
- social járdemge mútáj I hám II topar nagiranlıǵı bolǵan, sondayaq , tez medicinalıq emlewge mútáj hayal-qızlar – miynetke uqıpsız, ózgeler gamqorlıǵına, sondayaq, tez medicinalıq emlewge mútáj hayal-qızlar;
- úy-jayǵa mútáj háyal-qızlar – turaq jay emes orınlarda jasapatrǵa , turaqlı jasaw ushın turar jayı bolmaǵan, bir úyde (kishkene úyde ) úsh hám onnan artıq shańaraq jasapatrǵan (úy-jay maydanı belgilengen social normadan kem bolǵan), biraq óziniń yaki birgelikde jasawshı shańaraq aǵzalarınıń atında turaq jay bolmaǵan bolsa, jeke úy-jay fondında ijara huqıqı tiykarında jaspatrǵan kem támiynlengen hayal-qızlar;
- qaramaǵında nagiranlıǵı bolǵan perzenti bar kem támiynlengen hayal-qızlar - nagiranlıǵı bolǵan er-jetpegen (I topar nagiranlıǵı bolǵan perzenti jasınan qaramastan) perzentin tárbiyalapatrǵan kem támiynlengen hayal-qızlar.
«Jaslar dápteri» boyınńsha:
«Jaslar dápterine»ne 14 jasqa tolǵan hám 30 jastan aspaǵan tómendegi jaslar kiritiledi:
- Shańaraq aǵzası «Temir dápter», «hayallar dápteri» yaki «social qorǵaw birden-bir reestri»ne kiritilgen;
- Social qorǵawǵa mútáj bolǵan;
- Bagıwshısınan ayrılǵan, jetim yamasa ata-ana qaramaǵınan ayrılǵan;
- ózine qarata amangerlik yakiy qáwenderlik belgilengen;
- ózgeler gamxorlıǵına mútáj bolǵan miynetke uqıpsız;
- I yaki II topar nagiranlıǵı bolǵan;
- perzentinde I yaki II topar nagiranlıǵı bolǵan;
- fizikalıq hám (yaki) ruxiy rawajlanıwında kemshilikleri bolǵan;
- ata-anasınıń birewi I yaki II topar nagiranlıǵı bolǵan, ekinshisi bolsa jumıs iskerligin toqtatqan halda awrıwǵa qarawǵa májbur bolǵan yaki ata-anasıńıń ekewida I yaki II topar nagiranlıǵı bolǵan;
- payda bolǵán jaǵdaylar sebepli awır turmıs sharayatında qalǵan;
- zorlıq hám ekspluatatsiya, tábiy apatlar, avariya, órt hám basqa ayrıqsha jaǵdaylar aqıbetinde ómirine, den-sawlıǵına , múlkine ziyan jetkan;
- «Mexriybanlıq» úyi, Balalar qalashası yaki shańaraqlıq balalar úyinde tárbiyalanǵan;
- haq tólenetin jumısqa yaki is haqı (miynet dáramadı) keltiretin derekke iye bolmaǵan;
- emleniwge mútáj bolǵan nawqas jaslar;
- jazanı orınlaw makemelerinen qaytqan;
- belgili jasaw ornına iye bolmaǵan;
- psixologik máslahatke mútáj;
- nekede ótkenine 3 jıldan aspaǵan jas shańaraqlar;
- diyxanshılıq yaki qiytaq xojalıǵın júritipatrǵan;
- jas tádbirkar yaki ózin ózi bánt etken shaxs sıpatında salıq xizmeti organlarında dizimnen ótken jaslar kiredi.
Moynaq rayonı ádillik bólimi Yuridikalıq xızmet
kórsetiw orayı bas yuriskonsultı: A. Vasyakin