Янгиликлар
28
Korrupciya hám huqıqbuzarlıq profilaktikası
Korrupciya hám huqıqbuzarlıq profilaktikası
Korrupciya- shaxstıń óz lawazımı yaki xızmet dárejesinen jeke máplerin yamasa ózge shaxstıń máplerin gózlep materiyallıq yaki materiyallıq emes payda alıw maqsetinde nızamǵa qarsı ráwishte paydalanıw, sonday-aq usınday paydanı nızamǵa qarsı ráwishte usınıw.
Korrupciyaǵa qarsı gúresiw salasındaǵı mámleket siyasatınıń tiykarǵı baǵdarların tómendegi mámleketlik uyımlar ámelge asırıp kelmekte.
* Bas prokuratura;
* Mámleketlik qáwipsızlik xızmeti;
* Ishki isler ministrligi;
* Ádillik ministrligi
* Nızam hújjetlerine muwapıq basqa mámleket uyımları.
Usı is-ilajlar sheńberinde korrupciyaǵa qarsı gúresiw salasındaǵı mámleket siyasatın ámelge asırıwda, Ózbekstan Respublikası Prezidentinıń, Ministrler Kabinetinıń qabıl etken hújjetlerinde atap ótiw zárúr:
Ózbekstan Respublikası Prezidentiniń 2020-jıl 29-iyundaǵı PP-6013-sanlı “Ózbekstan Respublikasında korrupciyaǵa qarsı gúresiw sistemasın jedellestiriw boyınsha qosımsha is-ilajlar haqqında”ǵı Pármanı menen Ózbekstan Respublikası korrupciyaǵa qarsı gúresiw agentligi shólkemlestirildi.
Ózbekstan Respublikası Prezidentiniń 2021-jıl 6-iyuldaǵı PP-6257-sanlı Pármanına tiykar”Korrupciyaǵa qarsı gúresiw boyınsha 2021-2022-jıllarǵa mólsherlengen Mámleketlik dástúr tastıyıqlandı.
Ózbekstan Respublikası Prezidentiniń 2021-jıl 6-iyuldaǵı PP-6257-sanlı Pármanı menen, Ózbekstan Respublikası korrupciyaǵa qarsı gúresiw Agentligine “Korrupciyaǵa tiyisli jınayatlardı islewde ayıplı dep tabılǵan shaxslardıń elektron reestrin eńgiziw júkletildi.
Sol menen birge, mámleket basqarıwı salasında korrupciyanıń aldın alıw júzesinen mámleketlik uyımlar tárepinen óz funkciyaların ámelge asırıwda korrupciyalıq qáwip-qaterdi bahalaw hám saplastırıw sistemasın jańa basqıshqa alıp shıǵıwda, 2022-2026-jıllarǵa mólsherlengen Jańa Ózbekstannıń rawajlanıw strategiyası maqsetlerin támiyinlewge qaratılǵan, Ózbekstan Respublikası Prezidentinıń 2022-jıl 11-maydaǵı PQ-240-sanlı “Mámleket basqarıw salasında korrupciyalıq qáwip-qáterdi saplastırıw mexanızmlerin jedellestiriw hám usı salada jámiyetshilik qatnasın keńeytiw is-ilájları haqqında”ǵı qararı úlken áhmiyetke iye. Usı qarar menen 2022-jıl 1-sentyabrden baslap, “E-Antikorrupciya” joybarı tolıq iske túsiriliwi belgilendi. Qarar menen, mámleketlik shólkem xızmetinde korrupciyalıq qáwip-qáterdi (jıllıq) bahalaw hám korrupciyalıq qáwip-qáter reestrine kirgiziw hár jıldıń 1-martına shekem ámelge asırılıwı lazımlıǵı ornatıldı.
Nókis rayonı ádillik bólimi PHAJ bólimi baslıǵı
Dochanova Gulbaxar