Янгиликлар
13
“E-sertifikat” málimleme sisteması iske túsirildi
“E-sertifikat” málimleme sisteması iske túsirildi
Ózbekstan Respublikası Prezidentiniń 2022-jıl 22-avgustdaǵı “2022-2023-jıllarda informacion-kommunikaciya texnologiyaları salasın jańa basqıshqa alıp shıǵıw is-ilajları haqqında” ǵı PQ-357-sanlı qararı qabıl etilgen edi.
Usı qarar menen Texnikalıq tárepten tártipke salıw agentligine ónimlerdiń muwapıqlıq sertifikatın rásmiylestiriw boyınsha “E-sertifikat” informaciya sistemasın islep shıǵıw hám ámeliyatqa engiziw ushın belgilengen múddetlerde tómendegi wazıypalar orınlaw júkletildi.
Oǵan kóre 2023-jıl mayǵa shekem joybardıń-texnikalıq hújjetlerin islep shıǵıw hám ornatılǵan tártipte tastıyıqlaw;
2023-jıl sentyabr halatına informaciya sistemasın islep shıǵıw hám sınaw sıpatında iske túsiriw;
2023-jıl noyabr halatına informaciya sistemasındaǵı kemshiliklerdi saplastırıw hám ámeliyatqa tolıq engiziw;
Turaqlı túrde informaciya sistemasın texnikalıq qollap-quwatlawdı támiyinlew wazıypası júkletildi.
Ózbekstan Respublikası Prezidentiniń 2023-jıl 21-iyuldaǵı “Basqarıw reformalar sheńberinde investiciyalar, sanaat hám sawda salasında mámleket basqarıwın nátiyjeli shólkemlestiriw is-ilajları haqqında” ǵı PP-111-sanlı Pármanı menen 2023-jıl 01-dekabrden “GSP+” sisteması jeńillikleri qollanılıwına tiyisli maǵlıwmatlar alıw, sınaq laboratoriyaların (sonday-aq, veterinariya, ósimlikler karantini, sanitariya-epidemiologiya tarawlarda) erkin tańlaw, sınaq protokolın elektron rásmiylestiriw imkaniyatın beriwshi hámde bajıxana shólkemleri “Mámleketlik xızmetler orayına” integraciyalanǵan “E-sertifikat” informaciya sisteması iske túsiriledi.
Qońırat rayonı ádillik bólimi yuridikalıq xızmet kórsetiw orayı bas yuriskonsultı Annarazov Ruslan Yuldashevich