Янгиликлар
27
Jazanı orınlaw mákemelerinen azat etilgen shaxslardı jumısqa alǵanlarǵa subsidiya beriliwi haqqında
Jazanı orınlaw mákemelerinen azat etilgen shaxslardı jumısqa alǵanlarǵa subsidiya beriliwi haqqında
“Xalıqtıń sociallıq mútaj ayırım tayıpaların qollap-quwatlaw hám olardıń bántligine kómeklesiw boyınsha qosımsha ilajlar haqqında”ǵı húkimet qararı (450-sanlı, 05.09.2023 j.) qabıl etildi
Qararǵa kóre, 2023-jıl 1-oktyabrden jazanı orınlaw mákemelerinen azat etilgen shaxslardı jumısqa qabıl etken jumıs beriwshilerge hár bir shaxs ushın 3 aydan artıq múddette miynet iskerligin dawam ettirgannen keyin BEMnıń 3 esesi (990 mıń swm) muǵdarında bir mártelik subsidiya ajratıladı.
Byudjet shólkemleri, mámleketlik kárxanaları, ustav (qorı) kapitalında mámleket úlesi 50 procent hám onnan artıq bolǵan yuridikalıq shaxslar bunnan tısqarı.
2025-jıl 1-yanvarǵa shekem isbilermenlerge jazanı orınlaw mákemelerinen azat etilgen shaxslardıń qadaǵalawda bolǵan (probaciya) dáwirinde miynetke haqı tólew formasındaǵı dáramatları boyınsha tólengen fizikalıq shaxslardan alınatuǵın dáramat salıǵın qaytarıp beriw sisteması engiziledi.
Sonıń menen birge, 2023-jıl 1-oktyabrden tómendegiler jolǵa qoyıladi:
“Jumısqa márhámát” mono orayları hám kásip-ónerge oqıtıw oraylarında jazanı orınlaw mákemelerinen azat etilgen shaxslarǵa kásip-óner hám isbilermenlik kónlikpelerin úyretiw;
jazani orınlaw mákemelerinen azat etilgen shaxslardı shólkemlerdegi ámeldegi bos (vakant) hám de rezervge qoyılatuǵın jumıs orınlarına jumısqa jaylastırıw sisteması.
Qarar menen Jazanı orınlaw mákemelerinen azat etilgen shaxslardı jumısqa qabıl etken jumıs beriwshilergea Bántlikke kómeklesiw mámleketlik qorı qarjıları esabınan subsidiya beriw tártibihaqqındaǵı reje qabıl etildi.
Oǵan kóre, jumıs beriwshiler jazanı orınlaw mákemelerinen azat etilgen shaxstı jumısqa qabıl etkennen keyin 3 aydan artıq múddette miynet iskerligin dawam ettirgennan keyin subsidiya alıw ushın rayon (qala)lıq kámbaǵallıqtı qısqartıw hám bántlikke kómeklesiw bólimlerine jazba túrde yamasa Birden-bir interaktiv mámleketlik xızmetler portalı (my.gov. uz) arqalı múrájat etedi.
Aytmuratov Sultan Batirbek uli
Xojeli rayonı ádillik bólimi
Yuridikalıq xızmet kórsetiw orayınıń
bas yuriskonsultı