Янгиликлар
26
“Xalıq salamatlıǵı - 2030” milliy strategiyası islep shıǵıladı
“Xalıq salamatlıǵı - 2030” milliy strategiyası islep shıǵıladı
"Den sawlıqtı saqlaw ministrligi iskerligin jáne de jetilistiriw ilájları haqqında" ǵı Prezident Pármanı qabıllandı
Párman menen Xalıqtıń salamat turmıs tárizin qollap-quwatlaw hám fizikalıq belsendiligin asırıw orayı Salamatlıq hám strategiyalıq rawajlanıw institutı etip qayta dúzıldı.
Instituttıń tiykarǵı wazıypalarınan biri salamat turmıs tárizin qáliplestiriw, juqpalı bolmaǵan keselliklerge qarsı gúresiw hám de olardıń aldın alıw boyınsha dástúrlerdi islep shıǵıw hám ámelge asırıw esaplanadı.
Pármanǵa kóre, tómendegiler islep shıǵıladı :
2024-2026 jıllarda salamat turmıs tárizin qáliplestiriw, tuwrı awqatlanıwdı sistemalı túrde úgitlew hám ǵalabalastırıw dástúri;
2023-jıl juwmaǵına shekem “Xalıq salamatlıǵı - 2030” milliy strategiyası.
Sonıń menen birge, tómendegiler Den sawlıqtı saqlaw ministrligi strukturasına ótkeriledi:
Farmacevtika tarmaǵın rawajlandırıw agentligi;
2024-jıl 1-yanvardan Mámleket medicinalıq qamsızlandırıwı qorı.
2026-jıl juwmaǵına shekem medicinalıq qamsızlandırıw respublika boylap tolıq engiziledi.
2024-jıl 1-yanvardan Ministrlik janında tómendegilerdi birlestiriw arqalı yuridikalıq shaxs bolmaǵan Medicinanı rawajlandırıw mámleketlik maqsetli qorı iskerligi jolǵa qoyıladı:
- onkogematologiyalıq hám emlew qıyın bolǵan keselliklerge shalınǵan nawqaslardı salamatlastırıwǵa kómeklesiw qorı;
- Qıstawlı medicinalıq járdemdi rawajlandırıw qorı;
- Íntalı hám mamanlı medicina qánigelerin qollap-quwatlaw hám de medicina mekemelerine tartıw qorı;
- Spinal bulshıq et atrofiyası diagnozı qoyılǵan nawqas balalardı qollap-quwatlaw qorı.
- 2024-jıl 1-yanvardan Den sawlıqtı saqlaw ministrligi oraylıq apparatı strukturasında Medicinanı rawajlandırıw qorı direkciyasi shólkemlestiriledi.
Aytmuratov Sultan Batirbek uli
Xojeli rayonı ádillik bólimi
Yuridikalıq xızmet kórsetiw orayınıń
bas yuriskonsultı