Янгиликлар
27
Kishi biznesti úzliksiz qollap-quwatlaw kompleks baǵdarlaması haqqında
Kishi biznesti úzliksiz qollap-quwatlaw kompleks baǵdarlaması haqqında
“Kishi biznesti rawajlandırıwdı finanslıq hám institucional qollap-quwatlaw ilajları haqqında”ǵı Prezident qararı (PQ-306-sanlı, 14.09.2023 j) qabıl etildi
Qararǵa kóre, 2023-jıl 1-oktyabrden “Kishi biznesti úzliksiz qollap-quwatlaw” kompleks baǵdarlaması ámelge asırıladı.
Tómendegiler “Kishi bizneske kómeklesiw orayı” juwapkershiligi sheklengen jámiyetlerine onlayn arza jiberiw arqalı baǵdarlamada qatnasıw huqıqına iye boladı:
keminde 1 jıl dawamında islep atırǵan jeke tártiptegi isbilermenlik subiektleri, diyxan xojalıqları, ózin ózi bánt etken shaxslar, ónerment, bólip alıp islewshi, mámleketlik emes bilimlendiriw shólkemleri, úsh hám onnan artıq adamdı turaqlı jumıs penen támiyinlep atırǵan kishi isbilermenlik subiektleri;
shańaraqqa tiyisli isbilermenlik baǵdarlamaları sheńberinde óz biznes joybarların tabıslı ámelge asırıp, unamlı kredit tariyxına iye bolǵan shaxslar.
2023-jıl 1-oktyabrden Baǵdarlamada qatnasıwshı kishi isbilermenlik subiektlerine, atap aytqanda:
iskerligin jolǵa qoyıw yamasa keńeytiw ushın 2 jılǵa shekem jeńillikli dáwir menen 7 jılǵa shekem hám de aylanba qarjılar ushın revolver tárizde 3 jılǵa shekem jıllıq Oraylıq bank tiykarǵı stavkasınan 4 payızlıq joqarı stavkada 1,5 milliard swmǵa shekem kreditler ajratıladı hám (yamasa) tiykarǵı qurallardı satıp alıw ushın lizing beriledi.
Bunda, 100 million swmǵa shekemgi kreditlerdi girewsiz, 150 million swmǵa shekem kreditlerdi girew talabı 50 payızǵa shekem azaytırılǵan halda ajıratıw múmkinshiligi názerde tutıladı;
qunı 1,5 milliard swmǵa shekem bolǵan tiykarǵı qurallar 7 jılǵa shekem bólip-bólip tólew shárti menen qarızǵa beriledi;
innovatsion islenbelerdi kommerciyalastırıw, joqarı texnologiyalıq startap joybarlarına mámleket ilimiy baǵdarlamaları sheńberinde 2 milliard swmǵa shekem grant qarjıları ajratıladı.
2024-jıl 1-yanvardan shańaraqqa tiyisli isbilermenlikti rawajlandırıw baǵdarlamaları sheńberinde kreditler 3 jılǵa shekemgi múddetke 6 aylıq jeńillikli dáwir menen jıllıq Oraylıq banktiń tiykarǵı stavkasınan 4 procentlik punkt joqarı stavkada ajıratıladı.
Qarar menen Ekonomika hám finans ministrligi strukturasında Kishi hám orta biznes rawajlanıwın analizlew, qollap-quwatlaw hám tarawda mámleketlik siyasattı muwapıqlastırıw departamenti dúzildi.
Tajibaev Rustam Baxadirovich
Xojeli rayonı ádillik bólimi
Yuridikalıq xızmet kórsetiw orayınıń
bas yuriskonsultı