Янгиликлар
26
Nızamshılıqta pedagoglarǵa qanday jeńillikler bar?
Nızamshılıqta pedagoglarǵa qanday jeńillikler bar?
Ózbekstan Respublikası Prezidentiniń «2022-2026-jıllarda xalıq bilimlendiriwin rawajlandırıw boyınsha milliy dástúrdi tastıyıqlaw haqqında»ǵı 2022-jıl 11-may sánesindegi PP-134-sanlı pármanına tiykar, 2022-2026-jıllarǵa mólsherlengen Jańa Ózbekstannıń Rawajlanıw strategiyasın «Insan qadirin kótermelew hám belsendi máhelle jılı»nda ámelge asırıwǵa tiyisli bolǵan mámleketlik programmasına muwapıq, mektep tálimine aldıńǵı xalıq aralıq tájiriybeler tiykarında islep shıǵılǵan Milliy oqıw programmasın tolıq engiziw hámde jergilikli hám shet el avtorlar tárepinen jaratılǵan zamanagóy sabaqlıqlardı ámeliyatqa kirgiziw hám jámiyette oqıtıwshı kásibi orının saqlaw, pedagoglar ushın qolay social sharayatlar jaratıw hám miynetin múnásip xoshametlew belgilengen.
Oqıtıwshılardıń jaslarǵa tálim hám tárbiya beriwdegi juwapkerligin, turaqlı kásiplik rawajlanıwdaǵı qatallıǵın saqlaw, ulıwma orta bilim beriw mákemeleri ushın milliy kadrlar rezervin qáliplestiriw, aldıńǵı mektep direktorı hám úlgili oqıtıwshı kriteriyaların islep shıǵıw hámde olar tiykarında baslıq hám pedagog kadrlar iskerligin bahalab barıw belgilep ótilgen.
Ulıwma orta bilim beriw mákemelerinde ruwxıy-bilimlendiriw islerin sistemalı shólkemlestiriw, usı jóneliste úzliksiz monitoring, bahalaw hám prognozlaw mexanizmlerin jolǵa qoyıw, bala tálim-tárbiyasında shańaraq, ásirese, ata-ananıń ornın joqarı dárejede qoyıw hám oqıwshılardıń bos waqıtların mazmunli shólkemlestiriw, olardı kásiplerge tayarlaw sistemasın jetilistiriw kórsetilgen.
Xalıq bilimlendiriw ministrligine 2024-jıl 01-sentyabrge shekem milliy oqıw programmasınıń bilim procesine tolıq engiziliwin, sonday-aq 2022-jıl juwmaǵına shekem 3-6-7 hám 10-klasslar ushın, 2023-2024- jıllarda 4-5-8-9 hám 11-klasslar ushın sabaqlıqlar, shınıǵıw dápterleri hámde oqıw qollanbaların islep shıǵıw hám pedagog kadrlardıń ulıwma bilim beriw pánleri boyınsha bilim dárejesin hám kásiplik sheberligin bahalaw sistemasınıń xalıq aralıq standartlar talaplarına juwap beriwin sertifikaciyadan ótkeriw belgilengen.
Xalıq-aralıq standartlar talaplarına juwap beretuǵın milliy bahalaw sistemasında alınǵan sertifikatqa iye bolǵan pedagog kadrlarǵa, olardıń tarif stavkasına salıstırǵanda 50% payız muǵdarında. Bunda, milliy bahalaw sistemasınıń xalıq aralıq standartlar talaplarına juwap beriwi kepillikli xalıq aralıq shólkemler tárepinen tastıyıqlanǵan bolıwı kerek delingen, mámleketlik test orayınıń milliy bahalaw sistemasında alınǵan sertifikatqa iye bolǵan pedagog kadrlarǵa olardıń tarif stavkasına salıstırǵanda 20% payız muǵdarında kórsetilgen talaplarǵa muwapıq bolmaǵan mámleketlik test orayınıń milliy bahalaw sistemasında shet tili boyınsha alınǵan sertifikatqa iye bolǵan pedagog kadrlarǵa hár aylıq qosımsha ústeme, 2025-jıl 01-yanvarǵa shekem, olardıń tarif stavkasına salıstırǵanda 50% payız muǵdarında al 2025-jıl 01-yanvardan baslap, olardıń tarif stavkasına salıstırǵanda 20% payız muǵdarında tolıqtırıw belgilengen.
Bunda hár aylıq qosımsha ústeme sertifikat ámel qılıw múddeti dawamında, lekin úsh jıldan kóp bolmaǵan waqıt dawamında belgilengen.
Qaraózek rayonı Ádillik bólimi yuridikalıq xızmet kórsetiw orayı
bas yuriskonsultı Amaniyazov Danebay Xojamuratovich