Янгиликлар
26
Mámleketlik mektepke shekemgi bilimlendiriw shólkemleri pedagog xızmetkerlerine neshe kúnlik miynet dem alısı beriledi?
Mámleketlik mektepke shekemgi bilimlendiriw shólkemleri pedagog xızmetkerlerine neshe kúnlik miynet dem alısı beriledi?
Ózbekstan Respublikası Miynet kodeksiniń 217-statyasına tiykar hár jılǵı tiykarǵı eń kem miynet demalısınıń dawam etiw waqtı 21 kalendar kúndi quraydı.
Usı kodekstiń 501-statyasına tiykar bilimlendiriw shólkemleriniń pedagog xızmetkerlerine háptesine otız altı saattan artıq bolmaǵan ıs waqtınıń qısqartırılǵan dawamıylıǵı belgilenedi hám jıllıq uzaytırılǵan miynet demalısı beriledi. Pedagog xızmetkerler jumıs waqtınıń anıq dawam etiw waqtı hám jıllıq uzaytırılǵan miynet demalısınıń dawam etiw waqtı Ózbekstan Respublikası Ministrler kabineti tárepinen Sociallıq-miynet máseleleri boyınsha respublika úsh tárepleme komissiyası menen kelisilgen halda belgilenedi.
Ózbekstan Respublikası Ministrler kabinetiniń 2023-jıl 26-iyun kúngi “Pedagog xızmetkerler ushın jıllıq uzaytırılǵan miynet dem alısı dawamıylıǵın belgilew is-ilajları haqqında” ǵı 263-sanlı qararına tiykar ulıwma tiptegi mámleketlik mektepke shekemgi bilimlendiriw shólkemi direktorları ushın 42 kalendar kúni; oqıtıwshı, oqıtıwshı-logoped hám oqıtıwshı-defektologlar ushın 56 kalendar kúni; tárbiyashı, tárbiyashı-metodist, muzika jetekshisi hám psixologlar ushın 42 kalendar kúni; dene tárbiya úyretiwshisi, xoreograf, júziw boyınsha úyretiwshi hám tárbiyashı járdemshileri ushın 27 kalendar kúni etip belgilengen.
Qońırat rayonı ádillik bólimi
yuridikalıq xızmet kórsetiw orayı
bas yuriskonsultı Annarazov Ruslan Yuldashevich