Янгиликлар
25
Miynet salasındaǵı sociallıq sheriklik principi
Miynet salasındaǵı sociallıq sheriklik principi
Ózbekstan Respublikası Miynet kodeksi 34-statyasında miynet salasındaǵı social serikliktiń tiykarǵı principleri tómendegilerden ibarat ekenligi belgilengen:
tárepler hám olardıń wákilleri tárepinen miynet tuwrısındaǵı nızamshılıqqa hám de miynet haqqındaǵı basqa huqıqıy hújjetlerge ámel etiw;
tárepler wákilleriniń kepillikliligi;
táreplerdiń teń huqıqqa iye ekenligi;
tárepler mápleriniń esapqa alınıwı;
táreplerdiń shártnama tiykarındaǵı munasábetlerde qatnasıwdan mápdarlıǵı;
miynet hám shınıǵıw tarawına kiretuǵın máselelerdi tańlaw hám de talqılaw erkinligi;
tárepler tárepinen minnetlemelerdi óz moynına alıwdıń erkinligi;
tárepler óz moynına alıp atırǵan minnetlemelerdiń haqıyqıylıǵı hám olardı orınlawdıń májburiyligi;
mámlekettiń social seriklikti bekkemlew hám rawajlandırıwǵa kómeklesiwi;
qabıl etilgen jámáát kelisimleriniń, jámáát shártnamasınıń, sonıń menen birge social serikliktiń basqa hújjetlerinde kórsetilgen qaǵıydalardıń orınlanıwı ústinen qadaǵalaw ;
táreplerdiń, olar wákilleriniń óz aybı menen jámáát kelisimleri hám jámáát shártnaması atqarılmaǵanlıǵı ushın juwapkerligi.
Miynet salasındaǵı social seriklik óz wákilleri tımsalında xızmetkerler, jumıs beriwshiler, olardıń wákilleri, mámleket shólkemleri ortasındaǵı óz-ara munasábetler sisteması bolıp, bul sistema jalǵız tártipdegi miynetke tiyisli munasábetlerdi hám de olar menen tikkeley baylanıslı bolǵan social munasábetlerdi tártipke salıw máseleleri boyınsha xızmetkerler, jumıs beriwshiler hám mámleket máplerin muwapıqlastırıwdı támiyinlewge qaratılǵan boladı.
Bozataw rayonı
Ádillik bólimi yuridikalıq xızmet kórsetiw orayı
bas yuriskonsultı A.Xojanov