Янгиликлар

Jańa konstituciya: Ózbekstan Respublikası Oliy Majlisi Nızamshılıq palatası hám Senattıń birgeliktegi wákillikleri

---

Jańa konstituciya: Ózbekstan Respublikası Oliy Majlisi Nızamshılıq palatası hám Senattıń birgeliktegi wákillikleri

Ózbekstan Respublikasınıń jańa redakciyadaǵı Konstituciyasınıń 5-bólim XVIII bap 93-statyasında Ózbekstan Respublikası Oliy Majlisi Nızamshılıq palatası hám Senattıń birgeliktegi wákillikleri kórsetip ótilgen. Yaǵınıy bul wákillikler tómendegilerden ibarat:
1) Ózbekstan Respublikasınıń Konstituciyasın qabıl etiw, oǵan ózgeris hám qosımshalar kirgiziw;
2) Ózbekstan Respublikasınıń konstituciyalıq nızamların, nızamların qabıl etiw, olarǵa ózgeris hám qosımshalar kirgiziw;
3) xalıqaralıq shártnamalardı ratifikaciyalaw hám denonsaciyalaw;
4) Ózbekstan Respublikasınıń referendumın ótkeriw haqqında hám onı ótkeriw sánesin belgilew haqqında sheshim qabıl etiw;
5) Ózbekstan Respublikası ishki hám sırtqı siyasatınıń tiykarǵı baǵdarların belgilew hámde mámleketlik strategiyalıq baǵdarlamaların qabıl etiw;
6) Ózbekstan Respublikası nızam shıǵarıwshı, atqarıwshı hám sud hákimiyatı uyımlarınıń sistemasın hám wákilliklerin belgilew;
7) Ózbekstan Respublikası quramına jańa mámleketlik dúzilmelerdi qabıl etiw hám olardıń Ózbekstan Respublikası quramınan shıǵıwı haqqındaǵı sheshimlerdi tastıyıqlaw;
8) bajıxana, valyuta hám kredit islerin nızam jolı menen tártipke salıw;
9) Ózbekstan Respublikası Ministrler Kabinetiniń usınısına muwapıq Ózbekstan Respublikasınıń Mámleketlik byudjetin qabıl etiw, oǵan ózgeris hám qosımshalar kirgiziw;
10) Ózbekstan Respublikasınıń mámleketlik qarızınıń eń joqarı muǵdarın belgilew;
11) salıqlar hám basqa májbúriy tólemlerdi engiziw;
12) Ózbekstan Respublikasınıń hákimshilik-aymaqlıq dúzilisi máselelerin nızam jolı menen tártipke salıw, shegaraların ózgertiw;
13) rayonlar, qalalar, wálayatlardı dúziw, saplastırıw, olardıń atamasın hám de shegaraların ózgertiw;
14) mámleketlik sıylıqlar hám ataqlardı shólkemlestiriw;
15) Ózbekstan Respublikası Oraylıq saylaw komissiyasın dúziw;
16) Ózbekstan Respublikası Oliy Majlisiniń Insan huqıqları boyınsha wákilin hám onıń orınbasarın saylaw;
17) Ózbekstan Respublikasınıń Prezidentiniń Ózbekstan Respublikasına hújim etilgende yamasa bir-birin qáwipten qorǵaw boyınsha dúzilgen shártnama minnetlerin orınlaw zárúrligi tuwılǵanda urıs jaǵdayın járiyalaw haqqındaǵı pármanın tastıyıqlaw;
18) Ózbekstan Respublikası Prezidentiniń ulıwma yamasa tolıq emes mobilizaciya járiyalaw, ayrıqsha jaǵday engiziw, onıń ámel etiwin uzaytıw yamasa toqtatıw haqqındaǵı pármanların tastıyıqlaw;
19) Ózbekstan Respublikasında korrupciyaǵa qarsı gúres haqqındaǵı hár jılǵı milliy bayanatın tıńlaw;
20) parlament tekseriwin ótkeriw;
21) usı Konstituciya hám nızamlarda názerde tutılǵan basqa da wákilliklerdi ámelge asırıw.
Palatalardıń birgeliktegi wákilliklerine kiretuǵın máseleler, qaǵıyda retinde, dáslep Ózbekstan Respublikası Oliy Majlisiniń Nızamshılıq palatasında, keyin Senatında kórip shıǵıladı.


         Taxtakópir rayonı ádillik bólimi
          MXO bólim baslıǵı M.Allambergenov

---