Янгиликлар
22
Shańaraq maǵlıwmatların redaktorlaw ushın arza jiberiw tártibi haqqında
Shańaraq maǵlıwmatların redaktorlaw ushın arza jiberiw tártibi haqqında
Shańaraq maǵlıwmatların redaktorlaw ushın arza jiberiw ushın puqaralar jeke ózleri Birden-bir interaktiv mámleketlik xızmetler portalınan (Bunnan soń tekstte BBIMXP dep júritiledi) dizimnen ótken halda elektron tárizde paydalanadı. Bul xızmet Ózbekstan Respublikası Ádillik ministriniń 2013-jıl 31-dekabrdegi «Puqaralıq halatı aktlerin jazıw organlarında is júritiw tártibi haqqında»ǵı
400-mh-sanlı buyrıǵı (Ózbekstan Respublikası Ádillik ministrligi tárepinen 2013-jıl 31-dekabrde dizimnen ótkerilgen, dizimge alıw nomeri 2547) menen tastıyıqlanǵan «Puqaralıq halatı aktlerin jazıw organlarında is júritiw tártibi haqqında»ǵı Qollanbası menen tártipke salınadı.
Bunıń ushın puqaralar eń aldı menen «id.egov.uz» birden-bir identifikaciya sistemasınan dizimnen ótedi. Dizimnen ótkennen soń BBIMXPna yaǵnıy my.gov.uz portalında «Barlıq xızmetler» bóliminiń «Shańaraq hám balalar» bólimine kirip xızmetten paydalanadı. Shańaraq maǵlıwmatların redaktorlaw ushın elektron túrde arza jiberilgennen soń arza avtomatik túrde wákillikli organ (tiyisli PHAJ bólimi)ǵa jiberiledi. Arza wákillikli organǵa kelip túskennen keyin 1 kún múddette mámleketlik xızmet kórsetiledi yáki xızmet kórsetiwden bas tartıw haqqında anıq sebebi kórsetilgen halda xabarnama jiberiledi. Xızmet kórsetiw biypul tárizde ámelge asırıladı.
Taxtakópir rayonı
Ádillik bólimi MXO direktorı P.Reimkulov