Янгиликлар
22
Miynet shártnamasın ózgertiw tártibi qanday?
Miynet shártnamasın ózgertiw tártibi qanday?
O`zbekstan Respublikası Miynet Kodeksiniń 4-bólimi 3-§, 133-150-statyalarında miynet shártnamasın ózgertiw tártibi kórsetilgen.
Mmiynet shártleriniń ózgeriwi;
xızmetkerdiń basqa jumısqa ótkeriliwi;
jumıs beriwshiniń basqa jerge kóshiwi munasábeti menen orınnıń ózgeriwi;
xızmetkerdiń basqa jumıs beriwshige waqtınsha xızmet saparına jiberiliwi;
miynet shártnamasında shárt etip kórsetilgen jumıs ornınıń ózgeriwi miynet shártnamasın ózgertiwge tiykar boladı.
Xızmetker miynet shártlerin ózgertiwdi talap etiwge haqılı.
Xızmetkerdiń miynet shártlerin ózgertiw haqqındaǵı arzası úsh kún muddenten keshiktirmey jumıs beriwshi tárepinen kórip shıǵilıwı kerek.
Xızmetkerdiń miynet shártlerin ózgertiw haqqındaǵı talapları qánaatlandırılmaǵan táǵdirde, jumıs beriwshi oǵan jazba turde xabar etiwi kerek.
Jumıs beriwshi, eger texnologiyadaǵı, islep shıǵarıw hám miynetti shólkemlestiriwdegi ózgerisler, jumıslar kólemleriniń qısqarganlıgı munasábeti menen aldınǵı miynet shártlerin saqlap qalıw múmkin bolmasa xızmetkerdiń razılıǵısız miynet shártlerin ózgertiwge haqılı.
Jumıs beriwshi miynet shártleriniń ózgeriwi haqqında xızmetkerdi keminde eki ay aldın jazba turde, qol qoydırıp eskertiwi shárt.
Xızmetkerdi eskertiwdiń eki hápteden artıq bolǵan múddetin xızmetkerdiń razılıǵı menen pulli kompensatsiyaǵa almastırıwǵa boladı.
Xızmetkerdi basqa jumısqa ótkeriwge tek onıń razılıǵı menen jol qóyıladı.
Islep shıǵarıw zárúriyatı yamasa biykar turıp qalıw munasábeti menen xızmetkerdi basqa jumısqa ótkeriw dáwirleri jámi alpıs kalendar' kúnden asıwı múmkin emes.
Miynet shártnamasın ózgertiw jumıs beriwshiniń buyrıǵı menen rásmiylestiriledi.
Miynet shártnaması táreplerdiń shártlesiwine kóre basqa jumısqa ótkeriw tuwrısında buyrıq shıǵarıw ushın xızmetkerdiń jazba arzası tiykar boladı.
Jumıs beriwshinıń baslamasına kóre xızmetkerdi waqtınsha basqa jumısqa ótkeriw tuwrısında buyrıq shıǵarıw ushın islep shıǵarıw zárúriyatı yamasa biykar turıp qalıw faktlarınıń bar ekenligi tiykar boladı.
Xızmetkerdi waqtınsha basqa jumısqa ótkeriw miynet shártnamasında kórsetilmeydi.
Xızmetker basqa jumısqa nızamǵa qarsı túrde ótkerilgen táǵdirde, xızmetkerdiń ózin aldınǵı jumısına qayta tiklew, basqa jumısqa ótkerilgenligi sebepli kelip shıqqan májburiy progul waqtı ushın aqsha tóleniwi tuwrısındaǵı talapları qánaatlantırılıwı kerek.
Eger miynet shártnaması nızamǵa qarsı túrde ózgertirilgenligi munasábeti menen xızmetkerge ruwxıy yamasa fizikalıq azaplar jetkizilgen bolsa, xızmetkerge ruwxıy zıyandı kompensatsiya qılıw haqqındaǵı talapları qánaatlantırılıwı kerek.
Qońırat rayonı ádillik bólimi
yuridikalıq xızmet kórsetiw orayı
bas yuriskonsultı Seytbayeva Marjan Kopjursinovna