Янгиликлар
Shımbay rayonı Ádillik bólimi mámleketlik xızmetleri orayında 2023-jıldıń birinshi yarımında ámelge asırılǵan jumıslar
Búgingi kúnde Shımbay rayonı Ádillik bólimi mámleketlik xızmetleri orayı tárepinen 2023-jıldıń birinshi yarımında fizikalıq hám yuridikalıq shaxslarǵa
«bir ayna» principi tiykarında, sonıń ishinde rayon orayınan alıs aymaqlarǵa shıqqan halda jámi 25 000 nan aslam mámleketlik xızmetler kórsetildi.
Orayda mákemelerara birge islesiw, mámleketlik xızmetler kórsetiw ushın zárur hújjet hám málimlemelerdi tezlik penen alıwdı támiyinlewshi elektron birge islesiw sisteması jolǵa qoyılıp tiyisli shólkemler menen tolıq integraciya qılınıp mámleketlik xızmetlerdi kórsetiw ushın bárshe sharayatlar jaratılǵan.
Orayǵa kelip múrájat etiw imkaniyatı bolmaǵan puqaralarǵa «Biz ózimiz keldik» akciyası sheńberinde 1500 den aslam mámleketlik xızmetler kóshpeli tártipte kórsetildi. Akciya barısında tiykarınan injener-kommunikaciyalık tarmaqlarına jalǵanıw, balalardı mámleketlik mektepke shekemgi bilimlendiriw shólkemlerine náwbetke qoyıw, kóshpes múlk obektlerine kadastr hújjetlerin rásmiylestiriw boyınsha, sonıń menen birge elektron sanlı qol tańba alıw hám mámleketlik xızmetlerden paydalanıw ushın ámeldegi sistema hám qurallarına qosımsha túrde fizikalıq shaxstı Mobile-ID sistemasında identifikaciyalaw boyınsha mámleketlik xızmetler kórsetildi.
Sonday-aq Ózbekstan Respublikası Ministrler Kabinetiniń 2019-jıl
27-sentyabr kúngi “Kekse áwlad wákilleriniń jámiyettegi ornı xám sociallıq belsendiligin jánede asırıw is-ilájları haqqında”ǵı 816-sanlı qararına tiykar rayon aymaǵındaǵı jası úlken hám nágiranlıǵı bolǵan shaxslarǵa mámleketlik xızmetler kórsetiw dárejesin hám sapasın jánede asırıw, olarǵa qolaylıq jaratıw maqsetinde xár bir aymaqlarda kóshpeli qabıllawlar ótkerilip jámi kóshpeli tártipte kekse áwlad wákillerine hám nágiranlıǵı bolǵan shaxslarǵa 300 den aslam mámleketlik xızmetler kórsetildi.
Hár bir máhállede “MXO-Máhálle-Puqara” principi tiykarında puqaralarǵa aralıqtan turıp elektron tárizde mámleketlik xızmetlerden paydalanıw kónliklepelerin málimleme-kommunikaciya texnologiyaları arqalı úyretiw boyınsha seminarlar ótkerildi hám puqaralarǵa mámleketlik xızmetlerdi kórsetiw boyınsha oqıw-qollanbaları tayarlanıp tarqatıldı.
Shımbay rayonı Ádillik bólimi
mámleketlik xızmetleri orayı
bólim baslıǵı B.Tokumbetov