Янгиликлар
18
Jańa Miynet Kodeksindegi xizmet tekseriw tártibi
Xizmet tekseriwi xizmetker tárepinen intizamiy qılmıs islengenligi faktini, onıń isleniwinde xizmetkerdiń ayıbın, xizmetker tárepinen intizamiy qılmıs isleniwine imkan bergen sebepler hám shárt-sharayatlardı, is beriwshige jetkiziliwi mumkin bolǵan materiallıq ziyannıń qásiyeti hám muǵdarın anıqlaw maqsetinde ámelge asırılatuǵın tekseriw.
Xizmet tekseriwin ótkeriw haqqında qarar qabıl qılıw ushın ǵalaba xabar qurallarınıń xabarları, xizmetkerdiń tikkeley baslıǵınıń bildirgisi, fizikalıq hám yuridikalıq shaxslardıń murajáátleri hámde xizmetker tárepinen intizamiy qılmıs islengen dep taqmin qılıw ushın tiykar beretuǵın basqa maǵlıwmatlar tiykar boladı.
Is beriwshi xizmet tekseriwin ótkeriw haqqında qarar qabıl qılıwǵa haqlı. Xizmet tekseriwin ótkeriw haqqındaǵı qarar tiyisli buyrıq penen rásmiylestiriledi. Ózine qarata xizmet tekseriwi ótkeriletuǵın xizmetker is beriwshiniń xizmet tekseriwi ótkeriw haqqındaǵı buyrıǵı hámde xizmet tekseriwin ótkeriw boyınsha komessiya quramı menen imzá qoydırıp tanıstırılıwı kerek.
Xizmet tekseriwin ótkeriw ushın is beriwshiniń buyrıǵı menen xizmet tekseriwi ótkeriw boyınsha komessiya dúziledi. Komessiya keminde úsh aǵzadan ibarat bolıwı kerek, olardıń birewi komessiyanıń raisi boladı.
Xizmet tekseriwin ótkeriw múddeti on bes is kúninen aspawı kerek. Xizmet tekseriwin obiektiv sebeplerge kóre tamamlaw múmkin bolmaǵan ayrıqsha hallarda, is beriwshi komessiyanıń tiykarlandırılǵan wájleri tiykarında xizmet tekseriwin ótkeriwi múddetin jáne on bes is kunine shekem uzaytırıwǵa haqlı.
Xizmet tekseriwi nátiyjeleri haqqındaǵı dalalatnama tiyisli qarardı qabıl qılıw ushın dawıs bergen komessiya aǵzaları tárepinen imzalanıwı kerek. Xizmet tekseriwi natiyjeleri haqqındaǵı dalalatnama komessiya toplaǵan basqa materiallar menen birge is beriwshige komessiya májlisinde ótkerilgen xizmet tekseriwi haqqında qarar qabıl qılınǵanınan keyin úsh is kúninen keshiktirmey tapsırılıwı kerek.
Qaraózek rayon Ádillik bólimi Yuridikalıq xizmet kórsetiw orayı bas yuriskonsultı Erlepesov Shariyar Muratbek ulı.