Янгиликлар
18
Diniy shólkemlerdi dizimge alıw tártibi
Ózbekstan Respublikasında diniy shólkemlerdi mámleket diziminen ótkeriw, qayta dizimnen ótkeriw hám tamamlaw rejimin jáne de jetilistiriw hám de ápiwayılastırıw maqsetinde Ministrler Kabinetiniń 2018-jıl 31-may kúngi 409-sanlı qararı qabıl etilgen bolıp usı nızam diniy shólkemlerdi mámleket diziminen ótkeriw, qayta dizimnen ótkeriw hám tamamlaw tártibin belgilep beredi.
Diniy shólkemler Ózbekstan Respublikası Konstitusiyası, Ózbekstan Respublikasınıń “Hújdan erkinligi hám diniy shólkemler haqqında”gi Nızamı hám de taǵı basqa nızam hújjetlerine tiykarlanıp shólkemlestiriledi hám iskerlik kórsetedi dep belgilep berilgen. Ózbekstan Respublikasında shólkemlestirilǵen diniy shólkemler Ózbekstan Respublikası Ádillik ministrliginde yamasa tiyisli túrde Qaraqalpaqstan Respublikası Ádillik ministrligi, wálayatlar hám Tashkent qala ádillik basqarmalarında mámleket diziminen ótkerilgennen keyin yuridikalıq shaxs dárejesine iye boladı hám nızam hújjetlerinde názerde tutılǵan tártipte óz iskerligin ámelge asırıwı múmkin.
Diniy shólkemlerdiń oraylıq basqarıw organları hám diniy tálim mákemelerin mámleket diziminen ótkeriw Ózbekstan Respublikası Ádillik ministrligi tárepinen, basqa diniy shólkemlerdi mámleket diziminen ótkeriw tiyisliligi boyınsha Qaraqalpaqstan Respublikası Ádillik ministrligi, wálayatlar hám Tashkent qala ádillik basqarmaları tárepinen ámelge asırıladı.
Diniy shólkemlerdi mámleket diziminen ótkeriw ushın:
- diniy shólkemlerdiń oraylıq basqarıw organları hám diniy tálim mákemeleri ushın - bazalıq esaplaw muǵdarınıń jigirma esesi;
- basqa diniy shólkemler ushın - bazalıq esaplaw muǵdarınıń on esesi muǵdarında mámleket baji óndiriledi.
Diniy shólkemlerdi qayta dizimnen ótkeriw ushın olardı mámleket diziminen ótkeriwde názerde tutılǵan swmmanıń 50 payızı muǵdarında mámleket baji óndiriledi.
Diniy shólkemdiń mámleket diziminen ótkerilgenligi haqqındaǵı gúwalıq hám ustavtıń dublikatın alıw ushın bazalıq esaplaw muǵdarınıń 10 payızı muǵdarında tólem óndiriledi. Usı Nızamǵa tiykar óndirilgen mámleket baji hám tólew nızam hújjetlerinde belgilengen muǵdarlarda Ózbekstan Respublikasınıń respublika byudjetine hám de byudjetten tısqarı Ádillik orgonları hám mákemelerdi rawajlandırıw jamǵarmasına ótkeriledi.
Diniy shólkemdi mámleket diziminen ótkeriw ushın dizimnen ótkeriwshi organǵa diniy shólkemdi shólkemlestiriw boyınsha shólkemlestiriw jıynalısın ótkerilgen kúnnen baslap úsh ay dawamında tómendegi hújjetler usınıs etiledi.
1) diniy shólkemlerdiń oraylıq basqarıw shólkemleri ushın:
- shólkemlestiriw jıynalısı (konferensiyası) nıń baslıǵı hám xatkeri hám de diniy shólkemlerdiń oraylıq basqarıw organın dúziw baslamashıları bolǵan on segiz jasqa jetken júz danadan kem bolmaǵan Ózbekstan Respublikası puqarası imzolagan hám notarial tártipte tastıyıqlanǵan haqqında arza;
- eki túp nusqada notarial tártipte tastıyıqlanǵan diniy shólkemdi shólkemlestiriw, ustavın tastıyıqlaw hám baslıq shólkemlerin saylaw boyınsha maǵlıwmatlar bar bolǵan shólkemlestiriw jıynalısı bayanlaması hám diniy shólkemlerdiń oraylıq basqarıw organı ustavı;
- mámleket diziminen ótkeriw ushın mámleket bajı tólengenligi haqqında bank tólem hújjeti;
- diniy shólkem shólkemlestiriwshileri haqqında maǵlıwmatlar;
- diniy shólkemniń baslıq organı aǵzaları haqqında maǵlıwmat (baslıq shólkemleri hám olardıń sanı Ózbekstan Respublikası Ministrler Kabineti janındaǵı Din isleri boyınsha komiteti menen kelisilgen halda belgilenedi);
- diniy shólkem baslıqlarınıń diniy maǵlıwmatı haqqındaǵı notarial tártipte tastıyıqlanǵan hújjetleri nusqaları (diniy maǵlıwmat haqqındaǵı hújjet shet el mámlekette berilgende onıń nostrifikatsiya etilgenligi boyınsha hújjet nusqası da usınıs etiledi);
- diniy shólkemdiń yuridikalıq (pochta) mánzili haqqında tiyisli jergilikli mámleket hákimiyatı organınıń (Ózbekstan Respublikası Qurılıs ministrligi, Mámleket sanitariya-epidemiologiya xızmeti, Ózbekstan Respublikası Ishki isler ministrligi Mámleket órt qawipsizligi xızmetiniń tiyisli bólinmeleri hám puqaralardıń ózin-ózi basqarıw orgonlarıniń razılıq xatı qosımsha etilgen halda) kepillik xatı;
- Ózbekstan Respublikası Ministrler Kabineti janındaǵı Din isleri boyınsha komitettiń razılıq xatı;
Juwmaqlap aytqanda, Ózbekstanda Respublikasında barlıq puqaralardıń hújdan hám dinge sıyınıw erkinligi huqıqın támiyinlewge xızmet etiwshi diniy shólkemlerdiń hesh bir tosıqlarsız, nızamda belgilengen tártipte iskerlik alıp barıw bekkemlengen. Bul jaǵday mámleketimizdiń dúnyalıq demokratiyalıq mámleket sıpatında rawajlanıp atırǵanı hám de diniy bawrıkeńlik principlerıne sadıq ekenin kórsetedi.
Taxtakópir rayonı Yuridikalıq xızmet kórsetiw orayı bas yusitkonsultı J.S.Pirnazarov.