Янгиликлар
17
Shomanay rayonı ádillik bólimi tárepinen 2023-jıldıń 1 yarım jıllıǵı dawamında ámelge asırılǵan jumıslar haqqında M Á L I M L E M E
Shomanay rayonı ádillik bólimi tárepinen 2023-jıldıń 1 yarım jıllıǵı dawamında huqıqtı qollaw ámeliyatı, norma dóretiwshiligi, insan huqıqların qorǵaw, huqıqıy úgit násiyat, mámleketlik xızmetlerin kórsetiw, puqaralıq halatı aktlerin jazıw hám yuridikalıq xızmet kórsetiw tarawlarında bir qansha unamlı jumıslar ámelge asırıldı.
Atap aytqanda, 2023-jıldıń 1 yarım jıllıǵı dawamında ádillik bólimi tárepinen insan huqıqların qorǵaw tarawında puqaralardıń pensiya, napaqa, miynet qatnasıqları, is haqı hám sotsiyallıq qatnasıqları máseleleri boyınsha jámi 176 múrájatı qabıllandı hám sonnan 167 múrájat óz sheshimin tawıp 133 múrájat qanaatlandırıldı, 34 múrájatke huqıqıy túsinikler berildi. Sonday-aq
5 múrájat tiyisliligi boyınsha basqa uyımlarǵa jiberilip, házirde 3 múrájat kórip shıǵılmaqta.
Sonday-aq, bólim tárepinen puqaralardıń múrájatlerin úyreniw nátiyjesinde 30 puqaranıń pensiya tayınlawda esapqa alınbaǵan is stajların tiklew hám pensiya muǵdarın qayta esaplatıp tayınlatıw boyınsha hákimshilik sudına, ólim guwalıǵı alınbastan qalıp ketken 90 puqaranıń ólim faktın tastıyıqlaw boyınsha puqaralıq isleri boyınsha sudlarına dawa arzalar kiritilip, tolıǵı menen qanaatlandırılıwına erisildi. Sol qatarda, is haqı máselesinde puqaralıq isleri boyınsha sudlarına dawa arzalar kiritilip 11 puqaranıń 227 mln sumnan artıq is haqıları óndirip berildi.
Bunnan tısqarı, mekeme hám shólkemlerge usınıslar kiritiw arqalı 433 mln sumnan artıq 120 puqaranıń is-haqıları hámde xızmet saparı pulları tóletip berildi.
Bólim tárepinen norma dóretiwshiligi tarawında alıp barılǵan jumıslarǵa toqtalıp ótetuǵın bolsaq, rayon hákimliginen kelip túsken 2 hám xalıq deputatları rayonlıq keńesiniń 1 normativlik-huqıqıy xarakterdegi sheshim joybarı huqıqıy ekspertizadan ótkerilip, nızamshılıq hújjetleri hámde nızamshılıq texnikası qaǵıydası talaplarına muwapıq emes dep tabıldı. Bul, yaǵnıy muwapıq emes dep tabılǵan rayon hákimliginiń 2 hámde xalıq deputatları rayonlıq keńesiniń 1 sheshim joybarları qayta islenip huqıqıy ekspertizadan ótkeriw ushın kiritildi hám unamlı juwmaqlar berildi.
Sonday-aq, rayon hákimligi tárepinen qabıl etilip atırǵan sheshim hám biylikleri hámde xalıq deputatları rayonlıq Keńesiniń sheshimleri “e-qaror” elektron sisteması arqalı turaqlı monitoring qılınıp barılmaqta.
Bul monitoring nátiyjesinde, rayon hákimligi tárepinen nızam talaplarına qayshı qabıl etilgen 1 sheshimi biykar etildi, sonday-aq hákimlik tárepinen shıǵarılǵan 37 buyırıq biykar etilip sheshim kórinisinde qabıl etilip nızam talaplarına muwapıqlastırıldı.
2023-jıldıń 1 yarım jıllıǵı dawamında rayonlıq ádillik bólimi tárepinen huqıqtı qollaw ámeliyatın úyreniw tarawında ámelge asırılǵan jumıslar tómendegilerden ibarat:
Ózbekstan hám Qaraqalpaqstan Respublikası Ádillik ministrliginiń 2023-jıl
I yarım jıllıǵına mólsherlengen is-rejesi hám buyırıq hámde tapsırma xatları tiykarında ótkerilgen 7 úyreniw hám 13 monitoring nátiyjesinde jámi 35 mámleketlik uyımları hám shólkemleriniń rayonlıq strukturaları jumıslarında huqıqtı qollaw ámeliyatı úyrenildi, hám 1491 halatta nızambuzılıwshılıq jaǵdayları anıqlandı.
Kórip shıǵılǵan múrájatlar, ótkerilgen úyreniw hám monitoringlar nátiyjesinde anıqlanǵan nızambuzıwshılıq jaǵdayların saplastırıw maqsetinde jámi 39 usınıs, 11 hákimshilik juwapkershilik máselesi boyınsha usınıs, 65 eskertiw sıyaqlı tásir sharaları kiritildi. Bul tásir sharaları nátiyjesinde 27 shaxs intizamıy juwapkershilikke, 9 shaxs hákimshilik juwapkershilikke tartıldı.
Huqıqıy úgit násiyat tarawında rayonlıq ádillik bólimi tárepinen 2023-jıldıń 1 yarım jıllıǵı dawamında 535 úgit násiyat jumısları alıp barılıp, sonnan televideniye arqalı 12 márte, radio arqalı 27 márte, gazeta arqalı 19 márte, veb-sayt hám basqada elektron axborot quralları arqalı 146 márte, sonday-aq 12 márte kórgizbeli, 319 márte awızeki úgit násiyat jumısları alıp barıldı.
Shomanay rayonı ádillik bólimi baslıǵı
Kannazarov Erkinbay Oserbay ulı